افكار شخصيه من تجاربي مهمه ادخلي يمكن تستفيدي

سلام حبيباتي
سلام الله عليكم جميعا ياقمرات حواء
حبيت اقولكم افكار حلوه يمكن تعجبكم وتستفيدون منها مثل مااستفدت منها انا
كثير منا مالها رغبه تعدم بشرتها بالمكياج وخاصة بالبيت لكنها محتاجه لشي
يعطي تفتيح ناعم وخاصه اذا متزوجه او للجامعه اذا كانت بشرتها صافيه
ففكرت بطريقه تجمع مابين ترطيب وتسمين وتفتيح ومنع تجاعيد للوجه يعني
اربعه في واحد بتقولون وشلون ؟ انا اقولكم
تعرفون كولاجين الاستين من شركة ستيفز نفس شركة مقشر المشمش وللعلم
منتجات هاالشركه روعه مع انها رخيصه وجربت والله كريمات كولاجين ماركات
مااعطتني مثل نتيجة هذا الكريم المهم تاخذين من الكولاجين شوي وتخلطين معه
شوي بودرة اطفال وشوي ماء ورد واخلطيهم براحت يدك وادهني وجهك فيه ماعدا
الانف لان الكولاجين ينفخ حطي اي مرطب ثاني وبنفس الطريقه راح تحصلي على
وجه ناعم ابيض مع شوي قلوس تصيرين تمام
وعلى فكره اذا ودك تستخدمين زيوت لمناطق معينه بجسمك للتفتيح مثل زيت اللوز اوالخروع
ويضايقك الزيت حطي
بعد الدهن شوي بودرة اطفال تروح اللزوجه ومن تجربه البودرات المعطره من جونسون
فيها نشا كثير ماتصلح للخلطات تتكتل بشكل صعب العاديه احسن نوع للخلطات وفيه كريم
اسمه فيس لفتنق كريم لتكبير ونفخ الوجه علبته سماوي وعليها وجه نمر احط منه
على الخدود بس للي لها رغبه في نفخ خدودها والله شهر مع هالكريمين حسيت بامتلاء
حلو لوجهي وراح العظم البارز في الخد والي يظهر بعد الرجيم وضريبة الجسم الحلوواذا
لك رغبه تستخدمي خلطة شعر ومتضايقه من ريحتها حطي عليها شوي من مسحوق الفانيلا
وتمتعي بالخلطه والرائحه
اتمنى اني افدتكم واعذروني ان كان الموضوع ناقص لان الجهاز يطلع صوت غريب
ومظطره اتوقف فاستعجلت بالكتابه ودمتم لمحبتكم
(اوراد الذكر)