افكار لحياة رومانسيه بين الازواج ارجوا المشاركه من الجميع

السلام عليكم ورحمة الله وبركاته
انا اول مره اشارك في هاالقسم بس انشاء الله تعجبكم مشاركتي البسيطه اللي راح تخلق لج جو رومانسي مع ابو العيال :27:
المهم حبيباتي الوحده منا مهما طالت مده زواجها يعني فوق الخمس سنين او فوق العشر سنين ماتقول انا راحت علي الرومانسيه وخلاص زوجي تعود على هالحياه الروتينيه
بدون هدايا او حركات رومانسيه او طلعات رومانسيه اواي شئ يعبر عن حبنا لازواجنا انتي لو تفكرين شوي راح تعرفين ان انتي اللي عودتيه على هالروتين فلازم تكسرين الروتين وتعيشين حياه يديده وراح تعرفين ان السنوات اللي مرت ماكانت حلوه كانت عاديه اليوم نفس امس وبكره نفس اليوم ومافي شئ يخلي الزوج يشتاق له او الزوجه تشتاق انها تشوف زوجها مبسوط ومستانس :32:
على العموم بدون هالمقدمات الطويله لان كل وحده فينا تعرف اشلون تكسب زوجها بعدة طرق
وبالنسبه لي انا صار لي متزوجه خمس سنين والله اني احس اني متزوجه امس تدرون لييييش ؟؟؟؟؟
لان كل يوم عندي حركه حق زوجي بحيث ان زوجي صار يتعمد انه يطلع من البيت حتى لو ماعنده شغله يسويها بسسسس علشان يرجع ويشوفني ايش سويت له من مفاجئات حتى ولو كانت عاديه مثل اني اكون عدلت نفسي وتمكيجت ولبست احلى ثيابي مب شرط دايما البس قميص نوم لاء انوع بين الفساتين والقمصان النوم والبنطلونات ووووو
وكل يوم في الاسبوع انا وهو مخصصين يوم علشان نعيش جونا الرومانسي ولابد انشاء الله
وفي المناسبات بعد وفي السفر وووووو
وانا راح اقول لكم الطرق اللي انا اسويها واللي بصراحه تعلمتها من عدة مواقع من اول زواجي لين الحين وانا مستمره على هالحركات الرومانسيه وكل يوم انوع له
وانا راح اكتب لكم بين فتره لفتره طرقي
واول طريقه او اول حركه هي :
اذا عندج غرشه زجاجيه كانت للعود مثلا اخذي اوراق ملونه واكتبي عبارات حب ورمانسيه وكل شئ يطره على بالج من غزل وشوق وقبل ماتحطينهم في الغرشه رشي الغرشه بعطرج او عطره وعقب حطي الاوراق داخلها وغطيها علشان الريحه تتلزق بالاوراق واخذي ورقه اخيره واكتبي عليها (مسكن رومانسي )مش مسكن طبي ههههههه:42:
وكلما شفتي زوجج زعلان او متضايق من شئ اخذي له هالمسكن اللي راح يريحه وخليه هو ياخذ ورقه من هالاوراق ويقره اللي مكتوب واذا انتي بعد كنت شوي متضايق من زوجج (الله يبعد عنا الضيق والزعل )اخذي ورقه واقري اللي فيها مثلا اطلعت لج ورقه مكتوب عليها (انسي الضيقه وانا بجانبج لاني مااحب اشوفج زعلانه)او (احنا مانقدر نستغنى عن بعضنا وكل مشاكل الدنيا ماتساوي لحظه بقربك)وااااااااااااااااااااااااااااااااو :32:
راح تنسين اللي فيج وتنتظريين زوجج بفارق الصبر
انشاء الله اعجبتكم الحركه المسكن الرومانسي
واذا اعجبتكم راح اقدم لكم كل حركاتي اللي تخليج عروس امس صدقيني
وتخلي زوجج دايما يذكرج بالخير وتكونين ماليه عينه وانتي الاولى والاخيره
واسفففففففففففففه على التطويل
مع السلامه
:27: