السلام عليكم..
حبيت أكتب هنا بعض الأمور اللي حلو لو نتقيد فيها عشان تطلع غرف أطفالنا حلوة وناعمه
وما تكون زحمة بالرسومات والألوان.. و بالتالي ما تكون مريحه للعين..
أولا....
حددي لك لونين على الأقل إلى أربع الوان متناسقة وما تكون صارخه..
ثانيا...
إذا بتصبغين الجدران بلون غير الأبيض أو السكري فيستحسن يكون الأثاث أبيض..
واذا بتخلينهم بدون ألوان فبامكانك تختارين الغرفه ملونه..
أنا أفضل لون الخشب الفاتح..
وما أحب تكون عليها رسومات طفوليه.. لأني بعد ما تكبر بنتي لازم أغيرها.. وأنا ما شريتها غاليه الا عشان
تستمر معها ونغير في المفرش والاكسسوارات..
ثالثا..
بالنسبه للأرضية الباركيه أفضل من السراميك لأنه أخف بروده بالشتاء..
أما إذا بتخلينه موكيت..فالألوان الساده أفضل من اللي عليها رسومات.. أنا شخصيا أحس اللي عليها رسومات تصلح في غرف الألعاب..
أما غرف النوم فتكون سادة ولونه مش حساس للأوساخ وتضيفين لها زوليه عليها رسومات طفولية..
رابعا..
اذا كان في الغرفه نافذه واحده حطي لها ستاره مقلمه بالألوان اللي اخترتيها..واصبغي الجدار المقابل لها
بنفس ألوان الستاره ونفس التقليمه وباقي الجدران تكون ساده بأحد أخف الألوان
أو مربعات ..على حسب الستاره اللي تلقينها..
خامسا..
الاكسسوارات.. ممكن تحطي رفوف بالألوان اللي اخترتي و تحطيها على جدار فاضي وتملأيها بالتحف والبراويز
الملونة بنفس الالوان..
وممكن تضيفي اسم طفلك علىالجدار ..أنا سويتها بنفسي لأني ما أدري وين ينباعو..
واذا كانت الغرفه لبنوته ممكن تضيفي فوق السرير تل زي الناموسية..طبعا اذا كان السرير مو تحت النافذة..
وحزام الستاره ممكن تجيبي سلسله وتعلقي عليها ميداليات للأطفال وحاولي تكون من نفس الالوان..
وبعض المناظر اللي تحمل صور شخصيات محببه للطفل بس لا تكثرين ..
ولو كان سرير الطفل سليب هاي من دون راس فمكن تغيرين من فتره لفتره بالرأس..
سبق وشفتها في لمتد تو و في نكست للأثاث..وللاولاد على شكل كورة..
يتبع..
فالحل هو سرير ابو دورين..مع انهم خطرات!! ولزم يكون الطفل اللي بينام فوق كبير ...
وطبعا السرير العلوي ما عنده كمدينه تحطين عليها أبجوره ..
فالحل هو الاضائه اللي تثبت على الجدار..
واذا الغرفه لطفل واحد بس ضييييقه.. شوفي هالصورة..
- أما الاضائة أنا اشوف ان اضائة السقف تكون عاديه ..واذا حابه تسوين عليها تعديلات ففيه عند ايكيا
لمبات سقف على شكل غيوم.. حلوه ونعومة..
والأبجورات فيه تشكيلات كثيييره في السوق..
وفيه ستكرات عند تويز ار اص عباره عن النجوم اللي تضيء بالظلام.. وميزتها انها ما تبين بالنور..
وأنا شخصيا حاطه في غرفة بناتي أبجوره أرضيه وطويله عاديه كانت عندي من زمان .. وأضفت عليها ورده كبيره وفراشه من تويز آر أص ولفتهم عليها وسار شكلها طفولي..
___________
الاكسسوارات هي اللي تعطي الغرفة شكل..
خصوصا لما يكون الاثاث ناعم وما عليه رسومات ..تبينين انها غرفة طفل بالمفرش..
ويفضل اذا كان مفرش طفلك يحتوي صورة لشخصية كرتونية، أن تعلقي مناظر لنفس الشخصية و توفرين له
دميه تمثله.. وطبعا لازم المفرش يكون يناسب الالوان اللي قررتيها في البداية..
يتبع..