افكار للعزايم و الحفلات ، افكار حلوه للمعازيم والحفلات والعيد
اولا .. تعطير البيت .. بفواحه .. زيوت عطريه .. بخوور .. (جدا مهم ... يعطي انطباع جدا جميل عن نظافه البيت وصاحبته
اذا كان عندك اطفال .. لبسيهم ملابس انيقه ولكن بسيطه .. دعي اطفالك يأكلون وجبه بسيطه قبل قدوم الضيف ..
عشان يصيرون شبعانين ولا يبلشونك ويفشلونك عند الكيك والعصير ) ,, اذا ماعندك شغاله وتريدين اولادك يلهون شوي .. ولا يزعجونك .. اشتري لهم هديه بسيطه ..
وعند قدوم الضيف ضعي اولادك في غرفه الالعاب وقدميها لهم .. لكي يلهو بها ..
حاولي صنع الاطباق في المنزل .. ولا تجيبين من برا ..
مثلا قدمي مع القهوه كيك .. من عملك .. يعني مثلا كيك .. عادي وسوي له صلصه شوكولاته او فانيليا او كراميل ..
وضعي بعض الفواكه في طبق الكيك .. مثلا فراوله ,, توت ,, كيوي ,,
او كيك عادي وضعي عليه قطعه ورق مقصقصه على شكل معينات .. وثم ضعي سكر مطحوون فوق الورق ..
وبعدين شيلي الورق يصير السكر المطحون على نفس الرسمه اللي بالورق..
حاولي تقديم الكيك بشكل مرتب وانيق ..
وايضا ملاعق الكيك الصغيره او الشوك .. يمكنك الإبداع بها ..مثل الملاعق اغمسيها في شوكولاته .. وضعيها في الفريزر وعند التقديم اخرجيها .. لكي يكون شكل الملعقه جدا مشهي .. وهي مغطاه بالشوكولاته..
عند تقديم القهوه ضعي على الصينيه مناديل ملونه كبيره .. ثم ضعي ترمس القهوه والفناجيل
اذا اردت تقديم التمر .. قدميه بشكل ..مرتب .. مثلا .. حطي بوسطه لوز .. او سكر + طحينه .. وضعيه في صحن قزاز شفاف وضعي فوقه صلصه الكراميل على شكل دوائر ..
اذا كانت الحفله او العزومه متأخره اذا عليك التجهيز للعشاء .. جهزي طاوله العشاء .. بوضع لبادات ملونه وانيقه ..
وضعي الصحن فوقها والملاعق والشوك والسكاكين .. وضعي امامها الكأس .. وللإبداع قطعي الليمون شرائح .. وثبتيها على الكاسات .. وللإبدااع أكثر ادهني اعلى الكأس بقليل من العسل ثم غمسيه في سكر .. وذلك ليعطي شكل جمييل .. ضعي بعض الشموع على الطاوله وبعض الورد الطبيعي في مزهريه بها ماء ولفي الزهريه بشريطه صغيره .. حتى يكون شكله حلو ومرتب .. ورتبي المناديل
جهزي قائمه الطعام .. تكون متناسقه مع بعض وضع فى الاعتبار اذواق المدعوين .. يعني القائمه اما اكل شعبي سعودي او ايطالي او صيني او مكسيكي ..
شعبي : جريش , كبسه رز مع دجاج , سليق ,( انا لا احبذها الا للعزائم الكبيره )
ايطالي : مكرونه لازانيا .. او رافيولي او فتوتشيني او سباجيتي , مع سلطه خضراء مع صلصه ايطاليه .. وبيتزا
صيني : شوربه صينيه , دجاج على الطريقه الصينيه , رز أبيض , سبرنج رول مع صلصه حاره
مكسيكي : ساندويشات تورتيلا , ناتشوز , بطاطس مشويه مع الخضار والصلصه فوقها
السلطات : القيصر .. الأغريقيه , الإسبانيه , الخضراء
العصائر : سلاش ( اخلطي عصيرين على ذوقك في الخلاط واضيفي لهم الثلج .. وعند وضعها في جيك .. ضعي الليمون والنعناع في اعلى العصير .) سعودي شامبين ( عصير تفاح رواخ او اي عصير , وبيريه , وقطعي التفاحه شرائح صغيره وبعض الليمون وشعيها كلها في جيك زجاجي جميل .. وضعي في العى الجيك شريحه تفاحه .. وليمون .. عصير الطبقات .. مثلا عصير ثقيل وعصير يكون خفيف مثل المانجا والتوت .. ضعي طبقه توت وطبقه منجا .. وهكذا .. بعد العشاء .. جهزي كابوتشينو .. مع قطعه صغيره من الشكولاته بالنعناع .. او (افتر ايت )يبيعونه في السوبر ماركت .. مع الحلويات .. او شاهي اخضر يقدم مع نفس الشوكولاته .. قدميها في اكواب شكلها انيق .. وابدعي في التقديم ..
منقول
ورد الجوري1430 @ord_algory1430
عضوة نشيطة
يلزم عليك تسجيل الدخول أولًا لكتابة تعليق.
زهورالريف1
•
جزاك الله خير
الصفحة الأخيرة