مشككككككككككككوووووووووره جميرا 266 يعلني ما انحرم منج ان شا الله..ماشا الله الكوشه وااااااااايد حلوه باخذ افكار منها وبنفذها ان شا الله..

مساء الخيرياعسل
اهلي صلحولي غمرة وبعد سنتين صلحنا غمرة اختي كانت رائعة كلها وكل وحدة افكارها غير مع انها تراثية واليك بعض الافكار

شو هي الافكار يا اختي sadeem4؟؟ والله يزاج كل خيير

أولا : التوزيعات في غمرتي احنا (أهل الحجاز) نسميها غمرة كانت عبارة عن كيس صنع من الخيش الاحمر اللي يباع في المكتبات وسط الكيس من برامربع صغير من القماش المشغول وحوليه كلفة قديمة فوق خرمنا مكان مسكة الكيس بشرايط وعلقنا في طرف منه مروحة صغيرة وجوة الكيس قصينا تل اخضر وحطينا فيه( مكحلة وكحل وحنا ونقشة حنا وحجر القدم ومشط قديم وقصاصة اظافر) وفيه ثلاث حاجات نسيتها وكلها اخذناها من سوق الجملة وبعد كذا ربطناه بشريطة وحطيناه داخل الكيس وكان حجم الكيس اكبر من كف اليد بشوي عرضا اما طولا فيمكن قد كف اليد ( مقاسات عالمية)وبعدين جبنا القفف القديمة وزيناها بكلف قديمة وحطينا فيها هذي الاكياس والصور كلها موجودة عندي وحابة اخدمك بس والله ماعندي خلفية عن تنزيل الصور وكمان جبنا الجونة القديمة صغيرة وحطينا فيها نفس ماحطينا في الكيس وصرنا نوزع وحدة كيس وحدة الجونة منظر الكيس كان رائع اتمنى فهمتي علي في وصفه الكوشة كانت عبارة عن صندوق مجوهرات مفتوح وفي وسطه كرسي العروسه وكانت الكوشة كلها تراثية لبس الطفال كان قديم مجموعة معها المباخر والثانية التوزيعات والثانية الفوانيس والثانية سلات من الريحان ملفوفة كل ريحانة بالسلفان زي مانلف الوردة
اماغمرة اختي التوزيعات كانت عبارة عن بقشة قديمة حطينا جوتها (منشفة مطرزة وبيز الدلة ومكر وابر ورد مجفف وحنا ونقشة حنا ) وكمان فصلنا ثوب قديم اللي يلبسونه اهلنا زمان يلبس عروسة صغيرة وثبتناه جوة كرتون التوزيعات وزيناه بالشرايط وزعناه على المعازيم وحدة نعطيها بقشة وحدة الكرتون اللي فيه الثوب القديم المباشرة كانت عبارة عن المعمول والكليجا والتمر والمضير والفناجيل اخذنا القديمة للقهوة والشاهي وفي مدخل البيت عند الاستقبال صورة اختي كبيرة محطوطة على استاند وهي لابسة اللبس البدوي غير اللي بنزفها فيه وحطينا طاولة عند المغاسل بعد العشاء فرشناها بمفرش قديم وحطينا عليهاشموع قاعدتها لبسناها لبس قديم واكسسوارات قديمه وحطينا علها اللبان والحلاوة الحارة والهيل والعويدي هذي ملامح بسيطة من غمرتي وغمرة اختي

نسيت اقلك في غمرة اختي وقت الزفة اول زفينا الاولاد بلبس قديم ومعاهم جرات الموية والطوس اللي يوزعون فيها المويه وكانت جوة الجرات موية زمزم وغنت المطربة عطشانه يااهل الحي والجرة مافيها مي وبداو يوزعون الموية على المعازيم ثم غنت بعد كذا عمي يابياع الورد ودخلوا البنات يشيلون سلات الورد الاحمر الجوري وبداو يوزعون على المعازيم ثم بدات زفة العروس يتقدمها الذهب مشرعينة وسط خداديات حمرا والتوزيعات وسلامتك اتمنى فهمتي عليه في الوصف