السلام عليكم ورحمة الله وبركاته
كيف حالكم اخواتي
الله يجزاكم خير ابي افكار حلوووووووووووه
في عائلتنا مسوين لنا حلقه تحفيظ لسورة البقره مع قرائة تفسير ها
نجتمع في السبوع مره وكل نهاية شهر نسوي يوم مفتوح للتغير من الروتين وادخال السرور في نفوسهم لنجد الحماس والحرص على الحلقه والالتزام بها
جت العطله وانقطعنا
سوينا مره وحده يوم مفتوح عملناه يوم شعبي
جبنا منقد واشعلنا النار طبعا حطب وصلحنا القهوه والشاي عليه
وحطينا اقط وفتيت وكليجا هذا قسم الضيافه
لبسنا لبس شعبي وشيال وجدلنا شعورنا جدايل
وسوينا اركان للبيع
سوينا جريش ومراصيع طبعا جبنا حديده ورصعنا قدامهم
وحطينا مفرش قديم وصفينا عليه بضاعه من حلويات وبساكيت وانواعها
وسوينا ذره وفشار وبطاطس كرسبي وبليلا وشاورما وورق عنب وسنابون وانواع العصيرات الطازجه
وكل هذا شغل بيت ماكلفنا شيء ومنسقين كل وحده عليها شيئ
جبنا بالجوكتر وعرضنا عليه من مسابقات وصور البنات الصغار
سوينا هذا مثل الطبق الخيري بعناكل شيئ بريال وتصدقنا بالي جمعناه والله ماتصدقون الي جمعناه 400 ريال
ولله الحمد والمنه
والحين بعد ماعرضت لكم بني افكار جديده ليومنا المفتوح
قلت مالي الاخواتي بالمنتدا ماراح يقصرون معي
فالله الله بالأفكار الحلوه
الله يجزاكم عني خير الجزاء
معليش طولت عليكم
وياليت كل عائله تسوي لها حلقه في بيتها جربوها واله راح تنبسطون لين اجتمعتوا على حفظ القران وتفسيره
والسلام عليكم ورحمة الله وبركاته
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️