فعلا الشغل والتوكل على الله يفتح لك ابواب وافكار ورزق ويبارك لك الله فيه..
بالنسبه للمشروع افضل طريقه للي ماعندها رأس مال تبدأ تكون مندوبه بنسبه جيده. مع الوقت راح يكون عندها هوايه+ معرفه بالسوق+معرفه بالتسويق+المام تأم بمصادر البضاعه والاسواق
كذا تبداء تستقل في تجارتها.بعد مايكون عندها مبلغ جيد تقسمه ل٣ اقسام
ثلث تشتري فيه بضاعه بعد ماتدرس السوق تماما
ثلث دعااااايه وهذي اهمممممممم نقطه في النجاح
وثلث تدخره اذا عندها حساب انستقرام او سناب متابعينه اكثر من ١٠ الاف. اما اذا ماعندها فالافضل تشتري حساب جاهز ومتابعينه حقيقيين وليس وهميين.. طبعا اول مره بتشتري الحساب وبعدها بيكون الثلث ادخااااار...ولاتنسون الصدقه ولو باليسير تبارك لك وتطهر دخلك..
واستمرررري شهريا ثلث بضاعه وثلث دعايه وثلث ادخار. طبعا بالمناسبات والاعياد لااااازم تكثيف الدعايه ولها عدة طرق
١/ دعايه واتساب بتصميم احترافي
٢/عن طريق المشاهير ترسلين لهم منتج ويسوون لك دعايه
٣/ عن طريق دفع مبلغ رمزي للمشاهير مقابل الاعلان لك
٤/ التبادلات الاعلانيه مع الاخرين وهذي يجي منها زباين كثير ماشاء الله...
مع الوقت وتجميع مبلغ جيد راح تحتاجين ٢٠٠ ريال تصميم شعار خاص فيه وطباعه كرت خاص بمنتجاتك عدد ١٠٠٠ كلها بتكلفك ٢٠٠ ريال واقل...
وربي يرزق الجميع الرزق المبارك وينفع بما كتبنا ويوفقنا واياكم لعمل الخير...... واي استفسار ع العام انا حاضره ليستفيد الجميع






ملاحظه/ اللي شاطره بتصميم الشعارات والبروشورات والطباعه تراسلني خاص لان قروبات المندوبات والتاجرات محتاجين مصممات بسعر مناسب..

مشروع ناجح البهارات عليها سحب واقبال
بالمحلات عندنا
الطبخ خاصة بالشتاء
شعبيات عليها اقبال
طبخ لاستراحات الشباب كبسات برياني مقلوبة كبسة دجاج اشوف اقبال مررره عليها من حولي


اما خرابيط الحريم بوفيهات قليل تجي عزيمة ومجهودها كبير

مممن تشترين عروض المكياجات او تصفيات المحلات وتبيعينها بربح بسيط

فيه موقع اسمه خمسات يعرض اي خدمة مقابل خمسه دولار مثل انك تكتبين ملف وورد او تصممين شعار او تحولين كتابه لتسجيل صوتي

ولو شاطرة بالعمل اليدوي تشتغلين اكسسوارات شعر وغيره

لو عندك مبلغ معقول تتفقين مع احد ثقة من اخوواتك او صديقاتك لها عمل تشغلين فلوسك معها مقابل نسبه لها وبعقد عشان لا تاكل عليكي فلوسك

ي بنات اللي عندها مشروع طبخ سواءً معجنات وحلويات ورق عنب وملفوف تقدر تستأجر رفوف ف محلات معروفة وتعرض بضاعتها كثيير ماشين ع الطريقة ذي وماشاءالله تدخل عليهم




الله يرزق الجميع من واسع فضله

رياده ياقلبي موقفين دعم المشاغل للاسف. الى العام الماضي. مادري لو غيرو هالسنه ممكن بس تأكدي قبل اي خطوه تتخذينها