موضوع* *

لبداية مشروع منزلي أولا شوفي نفسج فأي مجال أنتي تبدعي فيه وركزوا على المجال
-إذا انتي مبدعة فالرسم مثلا عندج الرسم على الملابس الأطقم الأواني اللوحات العلب - وكان فكره مشروعي ايام الدراسه فالجامعه اني أرسم على الملابس
أنهالت علي طلبات كثيره والكل انبهر بالرسم وكنت أضيف كرستال وترتر وحركات عشان يزيده جمال بعدها تركته لاني انضغطت فيه كثير وكان وراي دراسه
- إذا انتي مبدعة فالخياطة عندج تصميم العبايا الفساتين فساتين بنات اطقم نفاس ومواليد اطقم اسره نوم
- إذا انتي مبدعة فالطبخ عندج طبخ مراجل مثل ذبيحه كامله مكابيس عندج حلويات عندج ورق عنب فطاير مخللات وووو
اذا انتي مبدعة فالفوتوشوب عندج طباعة على الحلويات طباعة على علب توزيعات طباعة على الدفاتر شي جديد تتفردي فيه
اذا عندج لمسه حلوه فالتنسيق عندج تنسيق وتجهيز دبش العروس تجهيز طاولات قاعات الأعراس تجهزي صياني توزيعات لمناسبة تخرج مولود زواج ترقيه او هديه بطريقه جميله لشخص عزيز
عندج الأسهم ويكون عندج خلفيه ومبلغ بسيط وتراقبي الأسهم وتشتري وتبيعي وانتي فالبيت
اذا متخرجه تخصص رياضيات علوم انجليزي وجالسه فالبيت اعملي دروس خصوصيه
عندج الحناء ونقش اذا انتي رسامة وتعرفي تمسكي المعصار او تحني الشعر او خلطات حناء الشعر - وهالشي وااايد اقبال عليه فبلدي
اذا محبة المكياج وشاطره فيه ادخلي فيه يرد لج اسبوعيا
عندج عربة الايسكريم ويكون فيه أنوااع من فواكة ومكسرات وشوكليت فأماكن العامه
أفكار كثيرة لكن يعتمد على المكان - الوضع - الماده - الموهبه - التفرغ


والله ولي التوفيق

هناك مشاريع تقدري تسويها علي الانترنت وتكسب فلوس كثير وحلال
موقع خمسات تقدري تقدمي خدمات كتابة و ترجمه أو تصميم ويدفعو علي الخدمة 5 دولار
انا اشتغلت كثير علي الموضع وربحت كثير وشغل من البيت

شوفي قصدي مو روضه كبيره ..في بيتك تهيأين مكان مناسب وتستقبلي اطفال فيه تحتاجين لدورات افضل لك عشان تدريس الاطفال مو شي بسيط يبغى له صبر واسلوب وكل ماتميزتي واشتغلتي بأمانه واخلاص ولأطفال اللي يتخرجون من تحت يدك مايتخرجون الا وهم متقنين الحروف والأرقام ومتعلمين يقرأون كلمات كل ماانبسطو الامهات وتكلمو عنك لجاراتهم وتوسعتي اكثر

حلو موضوعك انا اسوي كوكيز
وعندي حساب بس مافي طلبات كثير مع انه متابعينيركثيرر 12 الف بس لانه زمان كنت ابيع مكياج وبعدين تركت حسابي يمكن سنه ورجعت له عشان الكوكيز فصار هاجد الحساب ومافي تفاعل والطلبات لاتذكر كيكه او كيكتين في اليوم
الحمدلله بس بنات صدقوني الي تبغي باذن الله يمشي شغلها تخصص مبلغ وقدرة وتسوي دعايات عند مشاهير السوشال ميديا خصوصا الطباخات وبالذات الي في نفس منطقتك
يعني انا مرا سوت لي هيفا2000. ب2000 ريال بس جووو متابعين وطلبات الحمدلله
ومرا فاطمه القحطاني نسيت كم
ومرا رنا خالد ب اعتقد 1500
المهم استفدت منهم
وفي خسابات مطاعم وكافيهات تجي رخيصه 200 يسون اعلانات او150
وفي حسابات ارخص بس متابعين قليل يعني الاضافات تجيك اقل لازم من الدعاايات عشان يمشي شغلك