عزيزتي ممكن تعملين لهم
** ميداليات حق المفاتيح من الخرز ومن الصوف على شكل نسيج
**ممكن شنط صغيرة حق الميك أب
**ممكن مخدات صغيرة زينة للسيارة
** ممكن تعليقة من المكرمية حق السيارة من الحبال الضعيفة
**ممكن من الكروشية تعليقة لحفظ مكان الصفحه أثناء ما تقري وخلصتي وتبي تعرفي وين وصلتي ( وهذي تناسب الطلبة وايد)
**ممكن تستخدمي القواقع في أشكال كثيرة عرضتها بعض الزميلات شوفيهم في المنتدى
وموفقة عزيزتي ذكرتيني بالمعارض ولعوزتها ؟؟؟؟؟؟؟؟؟؟؟

اضغطي هنا
ممكن تشتري كميه من دفاتر الملاحظات الصغار اللي بنحطو بالشنته وتزينيهم مثلا اشي بالورد واشي بالخرز مع الشبر واشي لبسيه خيش ......تفنني...الصينيين شعب عملي وممكن بحبو هاي الدفاتر خاصه طلاب الجامعات ما الهم غنى عنها.....موفقه وخبرينا شو بصير معك....

http://kookykards.net/card_design/decoupage_project.htm

مروى يا حياتي بتمنى هالموقع يعجبك بالنسبة لطلبك صنع الكروت وبتمنى تستفيدي منه وادعععععععععععععععيلي من قلبك يا مروى.......

marwa_benali
راح اقولك كم فكره يمكن قالوا بعضها البنات
عملت لصديقتي شنطه من خامه زي التل لونها احمر وابيض وعليها نقط من ماده مااعرفها
وكانت الشنطه وسط عشان اغراض الجامعه وعملت معاها شنطه صغيره للاقلام او المكياج وشنطة جوال ومحفظه وكانت مره حلوه وااخذت مني وقت كثير
2-برضو عملت لها هديه العيد
جبت سله خسف ووضعت عليها القش البيج وجبت الصناديق الخشبيه الصغيره وطقم المرايا والفرشه والمشط والمروحه الخشبيه ودلو اخذته من يابلاش وميداليه خشب وقلم خشبي وميداليه ثانيه على شكل قلب وينفتح ومحفظه جلد
وحرقت عليهم كلهم باله الحرق
3- اعملي قواطع او فواصل للكتب
تاخذي العبارات اخذناها من كتاب الشيخ عائض حتى تكون اسعد الناس
وتكتبيها وتغلفيها حراري وتخرميها من فوق
وبعدين تجيبي الجلد اي لون
وتقصيه مستطيل طوله مثلا 15سم وعرضه 7سم
وتتركي مسافه من فوق 2سم
ومن الجهه الثانيه تبدئي تقصي الى ان تصلي للاعلى قربي الـ2سم وهكذا الى ان تصبح لديك شرائح
وتقصي قطعه خارجيه قد الاصباع
وتدخليها في الورقه وتخرجيها وتغريهم مع بعض
وتجيبي القطعه السابقه وتغري عليها
وتبدئي في لف المستطيل
ويصبح عندك دندوشه
بحيث الورقه داخل الكتاب والدندوشه من الخارج
لايغرك كلامي الكثير الفكره مره حلوه
4-جيبي كرتون مناديل فاضي
وغلفيه بورق ابيض
ولبسيه كريشه
وضعي عليه برواز فيه عباره
والجانب الاخر ضعي شمعدان او ورود وغلفيه بسولوفان
5-ممكن تعملي كيس للعبايه ووحده من الاخوات كانت ذاكره الطريقه
6-اواعملي اكياس الهدايا اللي مصنوعه من عجينه الورق
ضعي في القاده فلين عادي
وقصي من الامام على شكل قلب اومربع بحيث يكون مفرغ
وضعي في الداخل علبه عطر فاضيه ملبسه باي شئ
وضعي عليها برواز وزينيها
او اعملي الفكره على قاروه المياه الغازيه ووحده من الاخوات نزلت الفكره بصوره
هذا مالدي والعذر والسموحه منك
لان اخواتي محتاجين الجهاز
راح ادور لك افكار
والله يعينك ويرزقك الرزق الحلال ويفتح ابواب رزقه لك

حبيبتي مدري اذا انتي من الدمام أو لأ..

انا واختي اليوم رايحين سوق الجملة اللي ورا سوق الدمام"سوق الحب".. وماتتخيلين الاشياء اللي هناك من اكسسوارات..شنط..توكات شعر.. ميداليات..مكياج.. كللللل شي حتى الملابس والعطور بنص السعر هناك..

كل شي تتوقعينه موجود والأحلا انه اي مستلزمات حتى للأشغال تلاقينها من سلال صغيرة واحجام وورود صناعية اشرطة.....الخ

وتكلفتها رخيصة طبعاً وبتوفر عليج اذا بتشتغلين بكمية أو بتبيعين.. لأنج بتربحين فيها ان شاء الله.. و ممكن تاخذين أفكار حتى منها..


بالنسبة للبنات ممكن تسوين لهم علب مميزة لفرش المكياج او علب لحفظ المكياج او الاكسسوارات.. او مقالم مميزة للمكاتب او للورق.. ممكن تسوينها طقم كامل للمكتب مو شرط واجد.. طقمين مثلا والباقي مفرق...

ممكن تسوين حركة وتخلين زاوية للعرض فقط.."يعني أعمال من مخلفات الكمبيوتر او الكتب او الأدوات اللي يستخدمونها الطلبة بالعموم---أو مجرد صور من القسم هنا عن هاذي الأفكار"... هاذي فكرة حلوة عشان تفيدينهم وتخلينهم يفكرون بالخرابيط اللي عندهم، والعزابية منهم يبتكرون وخصوصاً سكان الجامعة.. لأن فيه طلبة ربي أعلم بحالهم عايشين على مكافأة الجامعة ويدورون مو بس على الشي المستعمل وعلى شي يوفر عليهم، بكذا تفيدينهم ولج أجر ان شاء الله..