جماينة @gmayn

محررة فضية

افكار ووساويس بعد الولادة اللي عندها فكرة تساعدني ضايق صدري

السلام عليكم
اخباركم بنات
انا لي 33 يوم من يوم ولدت وجاتني حالة غريبة وشعور غريب احس به وصدري ضايق وجاني ندم قوي وتأنيب ضمير لاني خليت بين اولادي فرق 5 سنين اقول لو جبتهم ورى بعض كانو كبرو الحين وانا عمري تقريبا 35 وعندي قلق وتوتر ويجيني شروذ ذهني ومااحس باي شي لافرح ولا سرور ولو اهلي عندي والناس عندي احس بكآبة وحزن من اصحى الصبح الى اخر الليل
احس بحاجة مسيطرة على تفكيري وعقلي وماتخليني افرح ببنتي حتى مااقدر اعتني بها باردة من ناحيتها
كل همي وتفكيري اني ضيعت سنيني وماجبت اولادي وراى بعض وتركت وقت 5 سنين احس بندم وتأنيب ضمير
علما اني اول مرة يجيني هالشعور ماعمري حسيت به الا بعد الولادة
افيدوني اخواتي وش تفسير هالافكار والوساويس والضيق النفسي

يلزم عليك تسجيل الدخول أولًا لكتابة تعليق.

تسجيل دخول

جماينة • سنتين

رفع

ورودومطر • سنتين

تعوذي من الشيطان والله العيال تعب الله يحفظهم جبت عيالي ورى بعض ومره هلكانه
ثاني شي هذا اكتئاب انا مجربته نصيحه ريحي نفسك ادري وحاسه فيك مو بيدك لكن سوي الاشياء اللي تحسبها بتسعدك الحين ماشاءالله سوي نيو لك جديد وتكشخي وافرحي صدقيني ماراح تأخذين الا المقسوم لك الله يصلح لك الذريه ويشفيك يارب ويفرح همك

جماينة • سنتين

الله يعينك يااختي قريت موضوعك انا مشكلتي جاني هالشعور الغريب بعد الولادة اول ماكان عندي وصار مسيطر على تفكيري

ام محمد حسين • سنتين

اهلا
الحمد لله على سلامتك
بعض الامهات بعد الولادة يجيهم اكتئاب او افكار غريبة بسبب خربطة الهرمونات
تعوذي من الشيطان دايما قولي الحمد لله عيالي بصحتهم وحواليني والله يقويني لتربيتهم تربية صحيحة
خليكي مع اهلك اذا انتي بعدك منفسة عندهم لا تجلسي لحالك.

جماينة • سنتين

ام محمد حسين :

اهلا الحمد لله على سلامتك بعض الامهات بعد الولادة يجيهم اكتئاب او افكار غريبة بسبب خربطة الهرمونات تعوذي من الشيطان دايما قولي الحمد لله عيالي بصحتهم وحواليني والله يقويني لتربيتهم تربية صحيحة خليكي مع اهلك اذا انتي بعدك منفسة عندهم لا تجلسي لحالك.

اهلا الحمد لله على سلامتك بعض الامهات بعد الولادة يجيهم اكتئاب او افكار غريبة بسبب خربطة...

الله يسلمك مشكورة على ردك حبيبتي