شيكي علي الخااص

اهلا من جديد نكمل للبشره

تجااارب بنات شفناااهم بالانترنت :27:

جزاهم الله خير


^^^^^^^ اولا ^^^^^^

منقول
% تبغين تحافظين على نظافتك الشخصية ادخلي واستفيدي %
مرحبا حبيباتي هذي شوية خطوات امشي عليها دائما وبتلقين نفسك منتعشه
على طول :
اولا : لا تستخدمين الصابون لهالمنطقه لانها حساسه يبغى لها غسول خاص وانا اقترح
عليك نوع انا شخصيا مجربته عن طريق دكتوره اسمه (مالفا) بالاعشاب الطبيعيه
الصراحه روعه وريحته عن جد تنعشششششششششش

وفيه نوع ثاني بعد جربته عن طريق الدكتوره وهي تمدحه مره وهو للاستخدام
الخارجي والداخلي اسمه (ليو كريما) بعد حلو وريحته مررررررررره حلوه

ثانيا : استخدمي الملابس الداخليه القطنيه 100% لانها لطيفه على البشره وتجفف اي رطوبه
وهذا شي ما توفره الملابس النايلون او المشروكه وهذا شي يسبب الالتهابات اللي تنمى معا
الرطوبه وقلت التهويه واذا اضطريتي تستخدمين النايلون لاغراض رومانسيه لا تخلينها تطول

ثالثا : كل مره تدخلين الحمام وتشطفين ضروري تجففين المنطقه قبل اللبس
لان الرطوبه مثل ما قلنا

رابعا : وهذي وصية الرسول صلى الله عليه وسلم انك بعد الاغتسال من الدوره امسحي المنطقه
بالمسك واظن انه له فوائد غير التعطير لانه الرسول اللي وصي فيه


المسك يستخدم فقط بعد الدورة الشهرية كما اوصى الرسول صلى الله علية وسلم ..

عن عائشة -رضي الله عنها - أن أسماء سألت النبي - صلى الله عليه وسلم - عن غُسل المَحِيض؟ فقال: "تأخُذُ إِحدَاكُنَّ مَاءَها وسِدرتها فَتَطَهَّر، فتُحسِن الطُّهور، ثُمَّ تَصُبُّ عَلى رَأسِها فَتَدلُكُه دَلكاَ شديداً، حتَّى تَبلغ شُؤون رأسِها، ثم تصُبُّ عليها الماء، ثمَّ تأخُذُ فِرصة مُمَسَّكة فَتَطهَّر بِها" فقالت أَسمَاءُ: وكَيف تطهَّرُ بِها؟ فقال: "سبحان الله، تطهَرين بِها" فقالت عائشة (كأنَّها تُخفي ذلك): تَتَبَّعِين أثرَ الدَّم. وسَأََلَته عن غُسل الجَنَابة ؟ فقال: "تأخُذُ مَاءً فتطهَّرُ، فتُحسن الطُّهُور، أو تُبلِغُ الطُّهُور، ثُمَّ تصُبُّ عَلَى رَأسِها فَتَدلُكُه، حتَّى تبلُغَ شُؤُون رَأسِها، ثُمَّ تُفِيض عَلَيها الماء".

والفرصة الممسكه : يقصد بها قطعة القماس التى بها المسك ...وهو فعلا موجود عند عبد الصمد القرشى واسمه ( مسك حجر ) وهو مكعبات كبيرة لونها مائل الى العاجى ويمكن كسرها بسهوله ثم طحنها لانه ليس جامد بالشكل الكبير ...

وانصح ان يتم طحن كمية للاستخدام ل3 اشهر ويوضع فى برطمان زجاجى ويغلق باحكام فى مكان مظلم ويكرر الطحن والتعبئه كل فترة حتى لا يتغير رائحة المسك الطيبة منه اذا ترك لوقت طويل مطحون ...

وانا شخصيا استعمله من سنتين ونصف تقريبا ( بعد الدورة الشهرية فقط ) والحمد لله لم اشتكى من التهابات ولا غيره ...

علما ان المسك السائل حاد ومركز وقد يسبب حساسية للمهبل فاحذرن منه ...

والمسك المطحون الجاهز الموجود عند العطارين ايضا لا انصح به لان الاغلبية تضيف له اشياء اخرى غير معلومة المصدر لذلك اشترى المسك الحجر واطحنيه بيدك لتطمئنى على انه مسك 100% ...

وطريقته تقريبا فنجال قهوه ماء وملعقه صغيره جدا..(ملعقه السكر) مسك مطحون.. ثم بعد الاغتسال من الحيض يتم اخذ سائل المسك و بقطعة قطنه نظيفة يمسح من الداخل بعمق وهذا هو اتباع اثر الدم ثم بقطعة قطن اخرى يؤخذ من باقى السائل ويمسح به المهبل من الخارج واذا تبقى سائل يمسح به العانة الى اعلى الفخذين مكان البكينى ...لتكون رائحة المنطقة كلها جميله ...

علما انه ثبت طبيا ان المسك منشط جنسى فعال وقد تكون هذة الحكمة من استعماله للمراة بعد الطهارة ...

^^^2^^^^^^^^

منقول من I_Luv_Sweets
طريقة سهله لركبه اتهبل ( عن تجربة) تعالوا يا حلوات
السلام عليكم

من اسبوعين قريت موضوع لوحده في احدى المنتديات عن تفتيح الركبه
موضوعها كان سهل وحلو , فقلت اجربه .. المهم انا كنت اعاني من سواد خفيف
في الركبه , الصراحه يوم قريت هالطريقه ضحكت لان من متطلباتها كيس
بلاستيك خخخخخخ , بس سويتها واستمريت عليها واللون خف بنسبة 80%
وانشاءلله بستمر عليها علشان يختفي السواد اللي قاهرني
مب مطوله عليكم خلاص بدخل في الموضوع

اول شي سوي حلاوة للركبة .. لان الحلاوة بتنظف المنطقه وتشل الجلد الجاف
بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. افكري الركبه عدل عقب اتركيها لمدة 10 دقايق ,
بعدين اغسلي المنطقه بالماي الدافي

عقب ماتخلصين اخذي كريم جليسوليد وحطي كميه مناسبه وادهني الركبه
عدل بهالكريم , بعدين اخذي كيس بلاستيك ولفي ركبتج فيه , طبعا لكل ركبه كيس
وتحملي تربطين الكيس بالقوة مب زين .. المهم بعدين اتخلين الكيس على
الركبه لين اتحسين انها عرقت , يعني ساعتين بالكثير ( انا احطه الظهريه
لاني انام ساعتين فاخليه ولما اقوم اشله )

عقب ماتشلين الكيس , اخذي ليفه خشنه شوي وافركي فيها المنطقه عدل
وانتي في الحمام ( وانتوا بكرامه ) .. انا الصراحه ماستخدمت الليفه , استخدمت القطعه البلاستيكيه اللي اتجي مع كريم ايماك , قعدت شوي شوي افرك المنطقه
ونظفها .. المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع ) .. وبسسسسسس

سهله خطواتها ومايبيلها شي , واحلى شي ان النتايج تطلع بسرعه
ييمكن للي عندهم السواد شديد تاخذ فتره اطول , انا ركبتي متوسطه الحمدلله
وهذي التجربه لها بعد

خطوات سهله في ساعتين بتخلي زوجج يتجنن عليج
السلام عليكم

بنات طبعا كلنا انعرف ان شي صعب انغير الجسم في يوم واحد
معظم الخلطات والكريمات تاخذ شهور علشان تطلع نتايجها .. بس الوحده منا
وخصوصا المتزوجات لازم يعتنون بشكلهم ونظافتهم بصوره مستمره
انا بقولكم الخطوات اللي اسويها علشان اظهر باحسن منظر قدام زوجي .. مع ان
والله بشرتي دهنيه وعندي حبوب ومسام في رجلي واعاني من الهالات.. الا ان زوجي اذا سمعني اشتكي من شكلي عند صديقاتي , يعصب ويقول والله
انج تجنين ماشوف فيج شي
عموما اللي اسويه مب عباره عن خلطات هذي مجرد حيل بسيطه ماتاخذ
اكثر من ساعتين في اليوم , بعدها تطلعين ببشره نظيفه وتلمع
وايد طولت خلاص مابي اسندركم بدخل في الموضوع


*علاج البشره


اول شي تسوينه هو انج تغسلين وجهج بالماي للتخلص من اي اوساخ
بعدين اخذي وعاء صغير حطي فيه ثلج وقليل من ماء الورد , وحطي وجهج
فيه كثر المستطاع ( ادري بارد بس وايد مفيد ) كرري هالعملية لمدة 5-7 دقايق
بعد ماتنشفين الوجه اتحطين قناع طبيعي بسيط , انا كل اسبوع انوع
احيانا استخدم قناع الفراولة واحيانا الموز واحيانا الافاكادو , بقولكم عن الفراولة
واللي حابة اتعرف عن الباقي انشاءلله مره ثانيه ( لول مابي اطول عليكم)
قناع الفراوله = 3 حبات كبار من الفراولة اتقطعينهم وتنعمينهم بالملعقة
واول ماتحسين انهم صاروا ناعمين حطيهم على وجهج وخلي القناع لمدة
10 دقايق , اول ماتخلص هالدقايق غسلي وجهج بماء الورد
هالقناع يساعد على نضارة البشره


*سكرب طبيعي للجسم


ممكن في العشر دقايق اللي تنظرين فيهم سويلج سكرب سريع للجسم
اخذي زيت زيتون وملح وافكري جسمج زين ( طبعا بحركات دائريه)
اذا خلصتي حطي على جسمج كامل ماي دافي ..


*الأنف


بالنسبة للخشم , انا الصراحه خشمي فيه حبيبات سودا جربت كل شي ومانفع
الحين صرت احط شي اسمه Honey & Oat scrub mask
هذا سكرب للوجه بس انا احطه على خشمي واخليه 10 دقايق وعقب
اخذ فوطه صغيره وافرك خشمي بعدين اغسله وانشفه واحط لصقات بيوريه
ماقولكم ينظف 100% بس الحمدلله مايبين وخصوصا لاني اشقر بعدها


* غسل الوجه


الحين وانتي في الحمام ( الله يعز اللي يقرون ) اغسلي وجهج بغسول طبي
انتي متعوده عليه ( انا شخصيا استخدم نيتروجينا لان وجهي فيه حرار
ووايد نفع معاي)
وانتي تغسلين وجهج بالغسول ركزي على المناطق اللي فيها حرار ( اذا عندج طبعا)
خلي الغسول شوية على الوجه بعدين اغسليه بماي بارد


*غسل الجسم


بالنسبة للجسم , اللي انا شخصيا اسويه هو اني اول شي احط سكربت معطر
من البودي شوب (انا استخدم البابايا) على جسمي وافرك جسمي عدل بالليفه اللي على شكل قفاز عارفينها طبعا
بعد مااخلص اغسله بالماي واحط جل الاستحمام , انا بشرتي
حساسه واي جل استخدمه او اي صابونه يسببون لي حساسية ويطلع لي حرار صغار
في رقبتي وظهري , بس الحمدلله الحين استخدم جل الاستحمام من دوف
ريحته اتجنن ومايسبب لي اي حساسيه ويخلي البشره ناعمه


* تنظيف المنطقه الحساسه


بالنسبة لتنظيف المنطقه الحساسه , في بنات يستخدمون الصابون الطبي من الصيدليات للتنظيف .. انا شخصيا استخدم فوطه صغيره واحط فيها غسول الاستحمام
من بيبي جونسون وافرك المنطقه بعنايه , هالغسول وايد زين لان ريحته حلوه
ومايسبب حساسيه وطبعا نظافه هالنطقه وصحتها اهم شي فعقب ماخلص
اركز على هالمنطقه واغسلها بالماي الدافي لمدة 3 -4 دقايق .. افركي جسمج بليمونه وكتي عليج ماي وخلاص طلعي ههههه خلصنا


* بعد الاستحمام


اذا خلصتي كل شي وقبل لا تطلعين من الحمام ( وانتوا بكرامة) رشي على جسمج
الزيت البخاخ من بيبي جونسون على زيت اللوز ريحته حلوه ويخلي الجسم
ناعم مثل الحرير .. وزعيه على كل جسمج

قناع التونك في 5 دقائق


الحين اللمسات الأخيره لول .. في قناع جدا ممتاز هو عباره عن تونك في نوعين
واحد ازرق مكون من املاح البحر الميته هذا القناع مسووينه للي مستعجله
وراها سهره او مشورا مثلا وماعندها وقت تستخدم خلطات تاخذ وقت طويل
القناع اتحطينه على الوجه لمدة 5 دقايق وعقب تغسلينه بماي بارد
القناع الاخضر يدخل في مكوناته الشاي .. وهذا وظيفته التنظيف
انا شخصيا ماصدق هالسوالف بس فعلا هالتونك وايد حلو واتحسين بعده ان
وجهج فيه نضاره ومشرق اكثر
اسم القناع : Five Minute Miracle
Face Tonic


بعد ماتخلصين حطي كريم مرطب ( انا استخدم نيفيا الكريم المجدد ليلا
والمرطب نهارا , هو الوحيد اللي نفع مع بشرتي يمكن يختلف معاكم طبعا)
نتايج اي كريم تكون احسن مع التدليك يعني وانتي تحطين دلكي وجهج


* ترطيب الجسم


طبعا الجسم خلاص مايبيله شي سوينا سكرب طبيعي وسكرب معطر
بس علشان اتحسن بنعومه ( وخصوصا اذا بتروحين عند زوجج ) يكون احسن
لو حطيتي كريم على جسمج كامل .. انا احط الكريمات من Body & Works
انا شخصيا اعتبر هالكريمات رائعه مافي احسن منها روائحها اتجنن وتلصق
في الجسم طول اليوم ( زوجي يموت في ريحتهم ) بس اللي ماعندها ممكن تستخدم
كريمات البودي شوب في انواع حلوه
بالنسبه للأقدام والركبه والكوع , هالمناطق لانها اخشن من باقي الجسم
انا احط فازلين واخلطه مع كريم ثاني لان اتعرفون الفاولين وايد ثقيل


* ترطيب المنطقه الحساسه


اما المنطقه الحساسه انا وايد اخاف احط اي شي , فاخذ بوردة بيبي جونسون
واحطها في يدي عقب احطها على المنطقه من فوق وبعدها استخدم كريم بيبي
جونسون الوردي مال الأطفال ( طبعا بعد من فوق وعلى الجوانب مب داخل لول)
مايسبب اي حساسية ويخلي المنطقه ريحتها حلوه وفرش



وبسسس , هذي خطوات وايد بسيطه ومافيها اي تعقيدات .. بعدها بتحسين
بنظافه وصفاء , انا والله بعدها ماحط الا كحل خفيف ومرطب واروح حق زوجي
وماحصله الا يمدح في شكلي وريحتي لووول^^^^4^^^ منقول من غرام احباب
قدمين ناعمتين كالاطفال..... تجربتي الشخصية
بسم الله الرحمن الرحيم
وانشالله يفيدكم مثل ما انا استفدت منه
7
7
7
7
اكيد تعرفون كريم الجلسرين الاصلي الاحمراللي فيه 3 خطوط بالطول
حطوه على القدم مو اقل من ساعه ( يعني لا بغيتي تتسبحين حطيه على رجلك قبلها بفتره) وجيبي طشت حطي فيه ماي حااار يعني يلسعك خفيف مو يزلغ رجلك (انا اخلي مسؤليتي ) يلسع فقط مو يحررررق سمعتواااااااااااااا (علشان ماتدعون علي لما تحرقون عماركم) المهم نقعيها بالماي فتره عشر دقايق وجيبي صابونه مع ليفه واغسلي رجلك والكعب نظفيهم من الكريم وبعدين جيبي مسطرة الرجل اللي فيها حجر اسود من الجهتين (عرفتوها) وافركي فيها الكعبين الين ما تحسين انها نعمت عقبها جيبي الفلين الخشن للكعب وادعكي فيها الكعب
ثمن اغسلي رجلك وجففيها راح تحصلين رجلك ناعمه وطريه كاقدام الاطفال
وسلاااامتك^^^4^^^^^^^ منقول من ilorenze

شد و تنحيف الجسم 100% رهييييييييييب ( تجربتي الخاصة )
شلونكم؟ شخباركم انشالله بخير ؟
المهم
اليوم الموضوع عن جل رهييييييييييييييييييييييييب لتنحيف و شد البشرة

المفعول :1-يحسن مظهر (قشر البرتقال) بشكل واضح جدا جدا جدا

طبعا المقصود بقشر البرتقال البشرة اللي مو مستوية اللي فيها سهول و هضاب و هالسوالف من السيليولايت اللي يكون على الفخوذ و المؤخرة بشكل خاص و مرات الترهلات اللي بالايدين

2-و له مفعول قوي في تنعيم و شد البشرة

بالنسبة للنتيجة:
بعد 8 أيام: 41% تماسك أكثر
89% بشرة نشيطة أكثر ( يعني تخيلوا الفرق )
بعد أربعة اسابيع : تخفيف مظهر قشر البرتقال بشكل واضح بنسبة 85 %
( يعني تصيرين نعومة و مشدودة بنسبة 85 % )
تخيلي ؟؟؟؟؟؟؟!

طريقة استخدامي
صراحة انا كسولة جدا و ما أدري شلون تابعت عليه شهر كامل ؟؟
انقلب جلد جسمي فوق حدر صار ناعم و مشدود
المهم
انا كنت استخدمه مرة و حدة باليوم و لو مرتين كان أحسن و احسن بس قتلكم كسلانة حييييييييييييييييل
و ادهنه على بطني و فخوذي و ... فهمتو و ايديني بعد
صراحة رهييييييب
و اللي حلو حيل انه ما في داعي تكملين أكثر من شهر لأنه النتيجة انشالله تبان من الشهر الأول
بس تقدرين تردين تستخدمينه مرة ثانية بعد كم شهر ! لما تحسين انك تين تشدين الجسم

بالمناسبة ترا الجل خفيف حيل و ماله ريحة خايسة ابدا
و مرسوم على علبته طريقة التدليك من تحت لفوق و هالسوالف
و تقدرين عقب ما تخلصين دهنه تلبسين ملابسك فورا

ليش ينحف؟
و يشد لأنه غني بمادتي جينكو و كافيين اللذان يساعدان على التخلص من الدهون المتراكمة في انسجة البشرة
, ليش ينعم و يشد ؟
لأنه غني بعنصر بارايلاسليل الفعال في شد البشر
يعني يتكون من ثلاث مواد فقط !! و كل وحدة احسن من الثانية
جينا للاهم .
شنو اسم الجيل ؟
هو

جل بيرفكت سليم من لوريال

L'OREAL
PERFECT SLIM
Countouring + firiming body Gel

بالنسبة لبنات الكويت موجود بمركز سلطان و معظم الصيدليات

سعره ما اذكر بالظبط ؟ بس يمكن 4 دنانير كويتي بالسعودي تشنه 40 ريال و الله ما أدري ؟
المهم اقل من خمس دنانير
جربوه و انشالله راح تستفيدون و راح يصير جسمكم على كيف كيفكم و الحلو فيه انه شهر و بس و النتيجة سريعة و حلوة
و ادعولي
الله ينحفني و يشفيني و يزوجني و يوفقي و يوفقكم كلم انشالله
و مشكورييييييييييييييييييييييييي يييييييييين

و انشالله انتظروا باقي المجموعة راح أكلمكم عنهم بعدين
تقشير البشرة و ترطيب و تماسك
أنشالله لا تنسون تدعولي !!!!
وسلامتكم

نصااائح للاظااافر

الحصول على أظافر جميلةوصحية يتطلب عنايه كبيرة من الداخل والخارج ويشمل ذلك أمور كثيرة منها:
1-عليك أن تهتمي بتغذيتك ،فالتغذية تؤثر على كل أعضاء وأطراف جسمك فهي تلعب دوارا هاما في صحة الأظافر, ومن الأطعمة المهمة للأظافر هي :


اللوز الذي يحتوي على أحد الحوامض الأمينيه التي يحتاجها الظفر, وكذلك الأطعمه الغنيه بالحديد والكالسيوم والبوتاسيوم وفيتامين B ..
كما أن كمية الماء التي تشربينها تؤثر على حالة أظافرك..
2- طريقة وزاوية برد الأظافر تحدد كثيرا جمال وقوة أظافرك, فراعي عدم بردها كثيرا من الزوايا فذلك يضعف الظفر,وبعد بردها يجب غسل المبردبالماء الجاري..
3- يجب أن لاتستعملي أظافرك للقيام بأعمال تؤثر على قوتها كفتح علبه قاسية..
4- كقاعدة عامة يفضل إبقاء الأظافر قصيرة,حتى تحافظي على قوتها ونظافتها,وتقليمها تنشط الدورة الدموية مما يؤدي إلى مزيد من اللمعان الطبيعي, والتقليم المبالغ فيه يؤدي إلى ضعف الظفر..
5- يجب العناية بالبشرة المحيطه بالظفر لكي تحصلي على أظافر جميله وجذابة, فهناك الكثير من المنتجات التي تحافظ على نعومتها,اختاري المنتجات التي تحتوي على الماء والزيت كمكونات أساسية ,فالزيت يطري الجلد المحيط بالظفر والماء يرطب تلك المنطقة ويرطب الظفر ليقوى أكثر..
6- لاتحاولي قص الجلد المحيط بالظفر فهو يحمي منبت الظفر, وقص الجلد يزيل الطبقة الحامية للظفر من هجوم البكتيريا مما يسهل إلتهاب الظفر ونموه بشكل غير طبيعي ,من الأفضل دفع الجلد إلى الوراء قليلا ولكن بعد الحمام حيث تكون المنطقة طرية وبالتالي يسهل دفعها..
7- قبل وبعد إستعمال المياه ادهني الكريم المرطب على يديك وأظافرك لحمايتها..
8- عقمي أدوات المانيكير والباديكير جيدا بعد كل إستعمال..
9- حاولي عدم إستعمال مزيل الطلاء بكثرة فهو يعمل على جعل الظفر ضعيفا وجافا..
10- تجنبي إستعمال اللوشن المحتوي على معطرات خاصة إذا كانت أظافرك متكسرة أو ضعيفة , لإنها تحتوي على كحول يضعف أظافرك أكثر.
وللاقدام

إهمال العناية بالأطراف طوال السنة,يخضعها لتجارب قاسية خلال مختلف فصول السنة..
لذا من المهم العناية بها ومعالجة الخشونة والإزعاج التي تتعرض لها, خصوصاأن أحذية الصيف تكشف عنها..
فاالقدمين كما اليدين تتميزان ببشرة ناعمة..


وهما كانتا محصورتين طوال فصل الشتاء داخل أحذية مغلقة عازلة أحيانا..
اتبعي هذه القواعدالمهمة للعناية بهما:
1-اهتمي بهما بتنشيفهما جيدابعد غسلهماخصوصا بين الأصابع,فالرطوبة تقسيهما ولبس الأحذية يساعد على نمو الفطر فيهما..
2-بدلي أنواع الأحذية واختاري الجوارب التي تساعدهما على التنفس مثل ( القطنية- الصوفية- الحريرية).
3- من أجل الحصول على بشرة قدمين انعم,ادهنيهما بطبقة خفيفة من الفازلين ثم ارتدي جوارب قطنية أثناء الليل فالحرارة تضاعف فعالية المرطب..
4- استعملي علاجا مقشرا بشكل دوري لإزالة الجلد القاسي واللحم الميت بفرشاة خاصة بنعومة..
5-دلكي قدميك بحركات دائرية فهذا التدليك يريح الجسم بكامله..
6- يجب إنتعال أحذية مريحة لتفادي مشاكل القدمين..
هكذا تساعدينهما على مقاومة الإحتكاك وتنشيط الدورة الدموية فيهما..
وبعد هذه العناية الأساسية اختاري مايناسبك من مواد تجميليةلتجميلهما وإبرازهما لإنها واحده من مظاهر أناقتك

بناااااااااااااااات بقي موواضيع كثيره انتظروووني


وكل وحده تحد للنفسها اللي يناسبها

الموضوع التالي الشعر مشاكله حلووول تجااارب شخصيه

ما شاء الله عليك يا سي سي قريت الصفحة الأولى بس وربي يعيني اكمل لأن النت بطئ جدا ....ربي يجعله في ميزان حسناتك

مشكووووووووووووورة

العفووو بتووول لايطوووووفك اقري كل صفحه

وردة بدون اسم العفووو

انا الحين اجمع مووواضيع حلوووه عن الشعر انتظروووووووني ((لاتباطوووني )))