افكر اجيب قلم وورقه اذ جتنا زوجه اخوي واسجل كل حركاتها وتحركاتها 🤔✍️

مراحب ياحوائيات الجميلات
بعيدا عن المشاكل وتماعط الشوش ان شاء الله مايصير بموضوعي لانه ماهي مشكله نبي ناخذ ونعطي مع بعض مع الحلول
انا اللحين عند اهلي لان زوجي باقي بالحد الجنوبي للحين
وبصراحه انا من نوع اللي ماحس يتقبلوني اهل زوجي بالرغم اني مسالمه وطيبه ولا لي خص باحد ولا اتدخل فيهم بس هالشي ماحس حبيهم فيني يعني لاشر ولا خير عن ظليمتهم
بالمقابل زوجه اخوي احس قريبه من شخصيتي بالضبط نفس المواصفات بس ماشالله تبارك الله يابنات تخيلوا حاطه اخوي زي الخاتم باصبعها طلباتها اوامر مع ان اخوي كان عصبي ومن نوع اللي اسلوبه ناشف تغير مره بعدها
آمنت بالله وقلت ممكن عشان زوجها وكذا وحيلات الحريم
بس حتى امي صارت بصفها وعلى طول توافق على اللي تقوله يعني امي من نوع اللي خلاص قلت لا يعني لا
اجيب لكم موقف اليوم صار فيه مهرجان عندنا بالمنطقه امي قالت ماتروحون راحت زوجه اخوي جابت صور له وجابت القسم الشعبي منه وورته امي وقالت ياخاله ترى بتستانسين مرره واذ مليتي نرجع
قالت امي والله زين خلاص بنروح
لو انا موريتها كذا كان تقول انقلعي بس
ماشالله تبارك الله مبسوطه على الوضع وواثقه من نفسها اذ جت تسولف كلامها متسلسل على طول اقولها شي تفهمه وحتى احيانا اذ جيت اسولف ماعرف اوصل الفكره هي تقول عرفت وش تقصدين كذا وكذا تجيب اللي ببالي بالضبط
بنات هذا وش يسمى ذكاء اجتماعي او وش يسمى
افكر اجيب قلم وورقه واسجل كل حركاتها وتحركاتها لعل وعسى يصير لي قبول عند اهل زوج مثلها لانه شي مريح اشوفها اذ جت واثقه انا نبيها
طبعا هذا غير عن اذ طلعت للمناسبات قمه الانبهار فيها مع انها عاديه بس هذا عارفه انه شي من الله وماقدر اوصله ابداً
انا عاجبتني بطريقه الاقناع مدري ودي مايرجع زوجي الا انا متغيره مثلها