لا ليه تحذفينه برنامج عادي اشوفه
وابداً مايجيب مشاكل الا للي يتكلم في خصوصياته لا تحطين عنك لاصوره و لا حاله اصلاً انا مايعجبوني اللي يحطون حالة تعبر عنهم حطي شي عام عشان تبتعدين عن اثارة فضول الناس

له سلبيات ،، وله إيجابيات
الحمد لله انا اتواصل مع الاغلب حتى قريباتي ( علاقة سطحية بس )
لاني ما احب كثرة العلاقات
والله إني اعرف اخوات تقاطعوا بسبب قروبهم ولهم سنتين ماكنهم خوات
واعرف عايلة ثانية حصلت بينهم مشكلة بسبب صورة العرض ( كانوا حاطين صورة واحد من اقاربهم مات .. وبعد فترة غيرتها وحدة فيهم .. وحصلت مخاصمة بينهم وطلعوا من القروب).

وليش كل ماصار شي بحياتك تحطينه وتوضحين للناس ؟
اذا عرفتي تستخدمين البرنامج بشكل صحيح بتعشقينه
انا ناااااادررر اغير صورة العرض واذا غيرتها احط صورة عاميه زي صورة قطوة او صورة شخصية كرتونية او اي شي عامي
الحاله ماتتغير ابد مشغول متاح الا اذا حبيت ممكن احط دعاء او ذكر مثلا أستغفرك ربي وأتوب إليك
تراه مب بيبي ماسنجر كل شوي تغيرين وهذا هذا واتسب
القروبات حقت الاهل لاتناقشين وتتطاقين وهذا وهذا خلاص اقري كلامهم ونقاشهم واسكتي اذا يجيك منهم شر او يفهمون غلط
عندك قروب للبسطات قروب صديقاتك عادي علقي بكيفك وامزحي ونكتي
الواتس برنامج جميل يخليك تتواصلين مع الناس بكبسه زر تعرفين اخر الاخبار .. فلانه ولدت فلانة مدري ايش .. عندنا عزيمه تجهزو بنجتمع .. يعني فوايد مره كثيره ويكفي انه ببلاش
محد الحين يستخدم الرسايل النصيه !!
استخدامكم له غلط هو الي يخليكم تكرهون وتنقدون برنامج بكبره

ترا هذا وااقع البرنامج هذا فرق ناس وسبب كرهه وعداوه وكشف ناس على حقيقتهم بعد .. الموضوع للنقاش حبيباتي


مثلا انتي حاطه صورة عرض من سنه ماغيرتيها فيه غيرك يوميا تغير الصوره على حسب حالتها وتخلي اللي يكرها يتشمت فيها ويفرح عليها وشفت كثير كذا ..




وفيه حريم ارسلو بالغلط لقروبات اهل ازواجهم كلام عنهم وصارت مشاكل وحزازيات ...


وفيه صور راحت بالغلط ..وفيه اشيا كثيره بس على كثر سلبياته نبي نعرف ايجابياته ..شاركونا برايكم

انا القروبات ماخليهم بضيفوني معهم لأن مره تخاصمت مع بنت خالتي ومن بعدها هم ماعد يدخلوني وانا ارفضهاولا عندي قروب غير قروب العائله.....وبنسبة لصورة العرض انتي الي تتحكمي فيها ...انا تجلس عندي شهور وبالوكاد اتذكرها وغيرها....حلو الواتس وستخدامك له انتي الي تتحكمي فيه مو البرنامج