افكر احلق شعر على الصفر

وش الهدف انك تحلقينه ؟
الوحده ما تضطر تحلقه الا للضروره مثل اللي يكون شعرها معدوم تالف محروق من الصبغات والاستشوار

اما انتي تقولين مشكلتك التساقط يعني الحلاقه ماراح تعالجه

نصيحتي لك اهتمي بالتغذيه من فيتامينات ومعادن لانها الاساس اللي يغذي الشعر وبصيلاته

اما حمام الزيت والكريمات والزيوت شي ثانوي يساعد في تحسين الشعر

والنتيجه ما تبان بسرعه لازم تستمرين على التغذيه او المكملات الغذائيه من فيتامينات ومعادن حسب النقص اللي معك 6 شهور واكثر

خاصة بعد الحمل والولاده الجسم يحتاج اهتمام غذائي وتعويض

واذا ماتبين تاخذين مكملات غذائيه انصحك بالمشروب الاخضر مفيد ويحتوي اغلب الفيتامينات ابحثي عنه بالنت منتشر ومشهور وناس جربوه وتحسنت بشرتهم وشعورهم للافضل

مكونات المشروب الاخضر كلها تضربينها بالخلاط وتشربينها الصباح بعد ما تفطرين شي بسيط بدون لا تشربين اي نوع من الكافيين قبل وبعد المشروب بساعتين عشان الجسم يستفيد منه

نص كوب من كل نوع : سبانخ + بقدونس + كرافس + فجل + نص ليمونه او برتقال + نص تفاحه + خياره + قطعة زنجبيل طازج بحجم الاصبع الابهام + ربع او نص كوب ماء بارد

وتقدرين تضيفين اي نوع اضافي لتحسين الطعم مثل نعناع اناناس جزر

تصدقين إني نفس تفكيرك ودي أحلق شعري من غير شر ﻷني بعد الولادة صار يتساقط بشكل مرووووووووووووووووع ...
لكن ظنكن بيطول وينعم وماعاد يتساقط؟!!!

طبييييعي الشعر يتساقط بعد الولاده
لدرجة يحكون زمان يقولون الطفل لي بدا يعرف امه
يتساقط شعرها
مو شرط هالحكي صحيح بس هذا يدل ان الحريم كلهم كذا تقريبا من يتم الطفل ٤ شهور يبدا الشعر بالتساقط
بس انا اللي اعرفه ان بعض الحريم الشعر يتغذى بوقت الحمل مع الهرمونات والفيتامينات اللي يصرفونها المستشفى ويكثر ويحلو
وبعد ماتولد وتوقف الفيتامينات وتتغير هرمونات الوحده ويبدا يروح هرمونات الحمل يبدا يتساقط الشعر وكل شى يتجدد
لاتحلقون اعتنو فيه بالتغذيه الكويسه وابعدو عن السهر وابتعدو عن التوترات واهتمو بالرياضه لانها تجدد الدوره الدمويه وكلما تحرك الدم تغذت فروه الراس
الله بس يعظم الاجر
كلامي احسه ملخبط فيني النوم بس ارجو ان كلامي وصل

ليه تحلقينه .....انا اكلت حبوب لتقوية الشعر اوول شهر لسى ماتغير شي بعدين الحمدلله من الشهر الثاني وقف تساقط بنسبه٨٠/بالميه...الحمدلله ..
قصيه لكتوفك وهتمي فيه زيوت وخلطات بسيطه ..صدقيني بيرجع لاتيأسي ..

فكرت نفس فكرتك وبطلت والحمدلله
اول شيء اتركي كل الحبوب على جنب لااحد يتفلسف عليكي. فقط استعملي حبوب الحديد. بالذات ان التساقط جا بعد ولاده
خدي صفار البيض فقط بددددوووون البياض حقه. خدي ٥ صفار بيض و بمقدار كاسة الشاي -زيت سمسم وحطيه قناع لمدة نص ساعه مررر بالشهر او مرتين مو اكثر . عشان البيض ماينفع دايما تسويه. واخلطي زيوت خروع ولوز حلو وسمسم وزيتي شعرك وامشطيه عكس وارفعيه فوق بربطه وخليه اقل شيء ساعتين ولازم تكوني رابطه عليه شيء او لابسه طاقيه بلاستيك. وضروري جدا جدا قص الاطراف كل شهر. واشتري عشبة -الزاز - من اي تاجره مغربيه واعجنيها زي الحنا وحطيها على شعرك. وكمان وصفة السدر حلوه ومعروفه لكن اذا شعرك جاف لا تسويها