افكر اخذ لي أم من دار العجزه ..

مساءالخير
بنات الفكره حابتها وخايفه على اللي باخذها اخاف شي يعترض صحتها خايفه مااقوم بواجبها
ودي تكون عندي واخدمها واحبها وتحبني واعوضها قسوة عيالها
وتعوضني قسوة امي
لان انا اعتبر امي ماتت (وهي على قيد الحياة ) امي تكرهني كره العدو لعدوه
تبلاني بابشع مايطري على انسان
وتتهمني باقبح الصفات
تعدل وقت حاجتها لي واذا قضت واستغنت ذمتني قدام الخلق
( احاول قد مااقدر ماتأثر علي سلباً وابعد كلماتها الجارحه عن قلبي 💘 المجروح 💔 ))
صرت اردد حسبي الله ونعم الوكيل ... هو اعلم بما يخفى
صرت اخاف تجمعات اقاربي بوجودها لان راح تبدا تنهل علي باللوم وتصرخ وتسب
وتحرجني قدامهم
( طبعا الناس مالها الا الظاهر وراح يوقفون مع الام بحكم انها ام ..)
او على الاقل راح يقولوا لو فيها خير امها اولى ..... !!
امس ولدي يحبها ويبوسها ضمته قالت ( ليت امك مو فلانه... تقصدني ... !!)
ومره انا اقلد ولدي بحركاته قالت بسم الله عليه منك وتضحك وتناظر الحريم قلت لييش؟!!
قالت بس هو الناس يحبونه و و و تمدحه
قلت طيب ليش شفيني !! قالت خليني ساكته احسن وتناظر مرة خالي وتبسم !!
مواقف كثيره سبق وذكرت لكم بعضها
واللحين ناويه ابتعد عنها قد مااستطيع
ع فكره ماعمرها سالت عني ولا اهتمت لأمري ..
ولاتتصل علي واذا اتصلت قالت وينك وين مكانك لان الناس تسالني وابي اعرف وينك مايقولو ماتدري بنتها وينها ..
قلت يعني تسالني علشان الناس بس !! والحقيقه ماهميتك
قالت اي الناس تسالني وش اقول !! ماادري وين بنتي !
💔💔💔 اسكت واقولها وين انا وتسكر الخط
يعني تكلم بعد كم شهر وتقول وينك ؟؟ باي ديره!! رحتي مكان!!؟
بسس
( اخاف اتكلم وتزعل وتدعي علي .... )
اعايش الوحده لا احد يسال عني ولا احد يهتم لامري ماكان لي اقارب ..
الحمدلله رب العالمين اتمنى القا وحده بالعجزه ارتاح لها وترتاح لي
ونعيش سوا
اسال الله ان يرزق زوجي الوظيفه الطيبه بالمكان الطيب .. ويبعد عني كل حاسد وحاقر ..