افكر استقيل من شغلي بسبب شغل البيت اللي هلكني

شوفي ياعمري الولا لازم تنظمين وقتك وجدولك يعني جيبي ورقه وقلم واكتبي كل غرفة في بيتك مثلا غرفة غسيل مطبخ مجلس غرفة نوم حمام غسيل ملابس وبالجهه المقابله حطي كل كم يوم تتنظف يعني فيه شي لازم يومي مثل الحمام والمطبخ وغرفة المعيشة فيه شي اسبوعي مثل المجلس غرفة النوم وهكذا فيه شي شهري مثل الشبابيك الدواليب وكذا اذا ماعرفتي انتي اكتبي كم غرف بيتك وعدد اطفالك وجدولك اليومي وابشري بسعدك

مشكورة بسبوسة
انا بيتي شقة بس كبيرة شوي
يعني ارجع من الدوام على الوحدة ونص بس طبعا اكون صاحية من الفجر يالله اسوي اي شي غدا واحيانا اجيب من برا
ارتب غرفتي وغرفةعيالي وارتب الصالة
عيالي مايرضون يغيرون لبس المدرسة وصراخ انا وياهم
ونبدا بالواجبات
يجي زوجي نحط الغدا
يكون العصر بس انا ميتة من النوم
انام اصحى خمسة ونص وتعرفين نومة العصر تجيب خمول وكسل

اكمل الواجبات وبعدين ابدا بعشاهم وتنويمهم
بعدين ارتب المطبخ
وعشى زوجي
تكون صارت عشرة
مايمديني اسوي شي
اصير محبطة

حبيبتي أنا كنت موظفة واستقلت لنفس السبب (كان فيه سبب آخر وهو التمييز العنصري) كنت إذا دخلت البيت أعصب واتنرفز من الشغل اللي قاعد يستنى .......و الويك اند ما ارتاح ولا أخرج أتمشى أبدا بس الحمد لله بعد ما استقلت حسيت بيتي منظم ومرتب ونفسيتي فلة بس لازم تفكرين جيدا قبل إتخاذ أي قرار أنا حبيت أقاسمك تجربتي حبيبتي بس

مشكورة توتا
من جد جالسة افكر استقيل بس شغلي هدا احسن من شغلي زمان ومتحسفة فيه
وجلسة البيت صعبة بالنسبة لي لانه زوجي شديد بالطلعات

الله يسر لي ولكم كلكم

لاتستقيلين وسعي صدرك ونظمي وقتك والزمي اولادك يساعدونك وكافئيهم
جيبي شغاله لو مرتين بالاسبوع
تعوذي من ابليس واكثري الاستغفار