نبع الانوثه
حرام عليك تظلمين زوجك وبنتك
صدقيني هذا التفكير كله من الفراغ
اعرف بنات تزوجووا بعدو عن اهاليهم مايجو الي من عيد لعيد والمسافه اتوقع اكثر من 4ساعة بالعكس ماعندهاا دراسه ولا شي بس موجودين في نفس الديرة اهل زوجهاابس

ابعدي عن هذا التفكيرر وتعوذي من الشيطان استغلي وقت فراغك
سافروو جددي حياتك غيري اثاث بيتك او كل نهاية اسبوع اطلعوو طلعات أو خذي عمرة
أو التحقي بدورات مثلا دورة تحفيظ القران
طيب ليه ماتعزمي اهلك يقضون عندك يومين أو اسبوع

ماتنلامين حبيبتي الملل يخلي الواحد مايعرف يفكر زين.....انا ساكنه فوق اهل زوجي
واهلي مابيني وبينهم الا شارعين وكم بيت....بس ماتتخيلين الملل والطفش اللي اعيشه
وابشرك اني موظفه بعد....بس من تزوجت ماعرفت للوناسه طعم....لان المشكله فيني انا المشكله داخليه...مال لوجود اهلك او بيتك اي سبب...وعلى قولة اختي عروبه(كن جميلا ترى الوجود جميلا)ابدئي التغيير بنفسك وباذن الله بتتغير كل حياتك وانسي الطلاق...لانك ماراح ترتاحين لو تطلقتي...بتربحين اهلك...بس بتخسرين زوجك وبنتك وبيتك وحياتك...
والله يوفقك

عزيزتي .. شعور الملل والضيق والاشتياق للأهل هو شعور طبيعي وممكن احست فيه 90% من النساء اللي تزوجن .. انا بيني وبين اهلي 20 دقيقة بالسيارة واروح بالأسبوع مرة او مرتين واحس احياناً اني مشتاقه لهم حيل .. اروح عندهم واظل 3 - 4 ساعات بس صدقاً يوم اروح لبيتي احس براحة اني في بيتي مع انه اعتقد انه ما في احد بالدنيا يحب اهله مثل ما انا احبهم ، بس مش على حساب بيتي وعيالي وزوجي ..

انا موظفة وعندي طفلين وحامل وصدقيني من لما اوصل البيت ابدأ شغل وطبخ ورعاية عيالي إلا وزوجي وصل احضرلهم الطعام وبعدين الجلي وترتيب المطبخ الا وصار الليل ، تحضير العيال للنوم وأكون متت من التعب وما اصدق وانا احط راسي على المخدة واروح بسااااااااابع نومة ... وكل هذا وبتلاقيني من وقت لآخر احس بضيق وملل وشوق لأهلي ..

ملخص كلامي انه اللي تشعرين فيه طبيعي فحاولي تعبئة فراغك بنشاط او هواية او دراسة او علاقات اجتماعية وصارحي زوجك انك تبين تروحين عند اهلك كل اسبوع لأنه هذا حقك .. بس اللي مو طبيعي هو تفكيرك بالطلاق .. الموضوع ما يستاهل صدقيني وخصوصاً انه زوجك وباعترافك مو مقصر معاك بشي وهو مثال للرجل الصالح اللي ما له بالخرابيط والسهرات .. اشكري ربك لأنه فيه رجال يمنعون حريمهم من النظر بالشباك ولا حتى زيارة اهلهم اللي بنفس الديرة وهم طول وقتهم مع اصحابهم وسهراتهم وفجورهم ..

حافظي على بيتك وبنتك وزوجك .. واحمدي ربك ..

السلام عليكم ورحمة الله ..
حبيبتي ..نصيحتي لك فكر بشي واحد...
من أكبر أمنيات الشيطان أن ينتصر في التفريق بين الزوجين ..
فلا تحققي للشيطان أمنيته..فهو يرجع حاملاً فرحاً كبيرا بالنصرإذافرق بينهما ..فلا تجعليه يفرح ذلك الفرح؟؟؟
وفقك الله وأدامك لأهلك وزوجك..

اقولك يا قمر اخزي الشيطان واقعدي في بيتك


اهلك روحيلهم و اقعدي عندهم اسبوع ,اسبوعين, شهر....قد ما يسمح زوجك ما دام بنتك توها صغيره وما هي مرتبطه بمدارس