انا معاك واقول عادي اهم شي صحتك وراحتك واللي يحبك يقدرك

انا معك بصراحه
صح احراج بس والله صحتك ونفسيتك اهم
قيصري وفتاق وبيبي وسهر ورضاعه
هذا غير طفلك الاول ومتطلبات البيت والزوج
وزياده على كذا مافي شغالة تعاونك وتشيل عنك

واستقبال الناس ياخذ من وقتك وجهدك
حتى لو جابوا قهوتهم يبغالك تنظفين البيت قبل يجون
وتغسلين المواعين ،،،،الخ
عادي جدا ومافيها شيء ابد
انا عن نفسي لو وحدة تبين انها مو مستعدة لاستقبال احد
ابدا ما اتضايق ولا اخذ بخاطري بل على العكس
انبسط انها وضحت ظروفها لاني احب اروح للناس وهم مرتاحين لزيارتي
مو ضاغطين على انفسهم وتصير الزيارة زي الهم عليهم

الله يسهل لك ويتمم لك على خير

طيب ممكن تجيبي لك خدامه بس شهر واحد الين تقومي بالسلامه
او تجيبيها لمدة اسبوعين من الاربيعن الي تشدي حيلك شوي

واذا ظروفك ماتسمح .... ( صحتك اولى من استقبال الناس )
لا يكلف الله نفساً الا وسعها
اكتبي واعتذري للجميع بأسلوب حلو ولطيف وقولي بسبب ظروف صحيه وممنوعه من الحركه مالك الا كذا

بس في ناس مايقدرون تلاقيهم طابين عليكي فجأه ويقولو ماحبينا نوعدك عشان لا تكلفي نفسك

عاد انتي ادري بظروفك وظرف الناس الي تعرفيهم


طيب ليش ماتروحي لأهلك او لاهل زوجك

عادي سويها المفروض الحريم يقطعون عادة زيارة النفاس لين طلعت لاحقين عليها يكلمونها تلفون وخلاص ..
هي بتلحق على بيتها ولا عيالها والبيبي الجديد ولا الزيارات اذا ما افترضنا زوجها حليو ماعنده طلبات ..
وماحد تعبان غيرها ..على الاقل اول عشرين يوم وبعدها اذا بيجون يجون ولا لين خلصت الاربعين ..
هذا الا مصعب جلست الوحدة في بيتها الزيارات والضيوف ..خاصة انه فترة النفاس النفسية تعبانة ..

عادي جداً جداً الزم ماعلى الواحد راحته انتي لو طبيعي بتتعبين دامك في بيتك فما بال عملية وفوقها فتاق؟!!
اذا ولدتي ع خير مو الحين ارسلي لهم بشريهم بولادتك واعتذري عن زيارتهم اول ٢٠ او ٢٥ يوم بسبب تعبك وضروفك الصحية واكيد بيقدرون لانهم حريم زيك بذات اللي مجربه العملية واللي عاد بتزعل بسلامتها هذا شي ع الكل مو عليها لحالها عشان تزعل ، او اعتذري نهائي عن زيارة الاربعين وقولي اذا خفيت بعزمكم ان شاءالله وبعد الاربعين اجمعيهم كلهم وقومي فيهم مره وحدة في استراحة او شاليه لان الشاليه قسم واحد فقط وهذا اللي تحتاجينه قسم واحد ووقتها استأجري صبابتين بفلبينة الصبابتين عليهم القهوة والشاهي والصب والفلبينية عليها التقديم والشيل والحط والتنظيف كل ماطاح شي شالته ، او انك تحددين يوم في الاسبوع يجونك فيه ولاتتكلفين ابد قهوة تمر شكولاته و شاهي ومعجنات جاهزة وبس وفي هاليوم جيبي لك شغاله بالساعة او باليوم وخليك مرتاحه لاتتحركين قدام ضيوفك الا للضرورة موب تقومين وتروحين وتجين وتشتغلين يحسبونك طيبة مايدرون انك تعبانه وتضغطين ع نفسك.

الله يتمم لك ع خير ويعينك ويقومك بالسلامة