افكر اغير اسم بنتي ..

بسم الله الرحمن الرحيم



الموضوع مضايقني وشاغل بالي بس ما احب اتكلم فيه مع احد ..



عندي بنت عمرها سنه و4شهور .. من بداية الحمل اتفقت انا وزوجي اذا بنت اسميها واذا ولد يسميه ..



جبت له كل اسامي الدنيا ولا عجبه شي ((ديالا .. ليندا .. الجادل .. ديم.. روزاليندا .. كيان .. وغيرها بس ماعجبته ولا كان يعجبه شي



قلت له شوف ترى اذا كل الاسامي ما عجبتك وعقدتني في وحده من اقاربي عزيزة علي ووقفت معي باوقات مايعلمها الا الله .. وكنت اقول لها باسمي بنتي باسمك عساها تاخذ منه نصيب ..



وجتني بنت .. وخيرته رجع لمواله كلها مو حلوة وقال اسم نوران حلو بس انا ماعجبني وقلت خلاص بسميها باسم قريبتي وسميتها ..



طبعا قريبتي اسمها جدا عادي مثل ايمان او عبير ..



الحين انا حامل واحتمال انه ولد .. قال انا اسميه وانتي لا تفكرين حتى تشاركيني الراي قلت اللي يريحك سمه مابعارضك بشي ابدا .. قال كفايه اسم بنتي مو مقتنع فيه للحين ..



وانا بصراحه بديت احس اني ظلمتها لان اللي حولها كلهم سواء من عايلتي او عايلة ابوها اساميهم حلوة وجديدة .. واهل زوجي دايم يقولون لو خلت زوجها يسميها احسن لانه سبق وسمى عيال اخته واساميهم حلوة وجديدة.. والكل يستغرب اذا قلت له اسم بنتي يقول كبير عليها .. او اسم امها احلى ومن هالكلام ..



وللعلم علاقتي بقريبتي تغيرت .. صارت جدا عاديه لدرجه تجي للمدينه اللي انا فيها وتجلس شهر ماتمرني او تزوني واتصالاتنا شبه انقطعت .. طبعا للامانه مو لشي في النفس لكن يمكن مشاغل الحياه ..



الموضوع يضايقني وحبيت تشاركوني فيه بارائكم ..