افكر افركش الخطوبه تعبني

بدخل ع طول بالموضوع
انا متملكه ع انسان طيب وكريم ووضعه المادي ممتاز وحنون واكثر صفه فيه الكرم كريم جدا ومعطاء لواطلب اي شي مهما كان ثمنه يلبيه لي ولايرد لي اي طلب نهائيا
نجي للعيب الي نغص حياتي انسان جدي جدا وزعول وعصبي ودمه حامي وماخذ كل شي بجديه يدور الزعل معاي ع اتفه سبب
اخر سبب تزاعلنا عليه اهددى لي هدايا للامانه قيمتها فوق ال١٥ الف ماشاءالله واي شي اطلبه قبل لااطلبه يكون عندي انانسيت اهديه لاني بطبيعتي انسى وتذكرت وجبت له هديه ورفض وزعل مااياخذها يقول لوتنتهي علاقتنا ماخذتها طيب ليش وش السبب قال ماتذكرتيني بهديه الا الحين قلتله انا كنت الح عليك ودخلت معاك محل عطور وطلبتك تختار عطر ورفضت وقلت انا اركب عطوري بنفسي اسوي تركيبه لي قال مواني رفضت خلاص المفروض تلحين علي وقلبها زعل وهواش وطلعني غلطانه ومايرضى بالساهل ابدا ابدا
مثلا كنا بنروح عزيمه وتاخرت ساعه وقلب الدنيا ليش تاخرتي ويجلس يناقش ويدقق بااادق واتفه التفاصيل لين يغلبني ويطلعني غلطانه يدقق مره وانا طبيعتي العكس نسايه ومفهيه شوي وهو دقيق جدا بكل شي وذاكرته قويه وماينسى اي معلومه ويرصد كل شي حواليه وعقلاني جدا
واناعكسه عاطفيه وحساسه وانسى بسرعه
تعبت شوفو لي حل اكمل ولاانفصل ماني قادره الاجواء كلها مشحونه زعل ومشاكل كل ماشافني نتهاوش ونتزاعل بسبب تدقيقه بكل شي ويطلعني غلطانه ماقدر اغلبه بالكلام اخر مره تهاوشت معه ومشيت جلس يمشي وراي ومسك يدي بقوه قدام الناس يبغاني اوقف عشان نتكلم ودفيته ومشيت وخليته ومن يومها مااتصل ولاشي ولااناناويه اتصل فيه لين يتصل ويعتذر مني
للمعلوميه مايرسل لين اراسله انا دايم ابادر بالرسايل وانا الي الطف الجو وهو مايرسل الا فين وفيين
اخر نقاش دار بينا شفته يكلم واحد من اصحابه اخذ منه سلف وكان يكلمه بحده وبقوه ونغمه تهديد انه ترجع المبلغ خلال شهرين انااستغربت اسلوبه طلع المبلغ الفين ريال ولايسوى وهو عنده خير الالف عنده زي الريال ماشاءالله قلت له هدي مومستاهله مبلغ بسيط يمكن مامعه سامحه لومامعه شي وطار فيني ليش اسامحه هو معه ومعه ويعدد لي واحسه مقهور ومعصب وينتقد ليش قلت كذا قلت مجرد راي لااكثر يعني حتى النقاش معه متعب جدا تعبني
موقف كمان فيه اكل هويحبه انامااحبه قلت اناماااحب هالاكل مره وبعدين طلبت من نفس الاكل قال ليش تجيبينه ونتي قايله ماتحبينه جبتيه عشاني لاتخليني اقوم ارجعه الحين تطلبين شي ماتبينه ليش وشرايكم