افكر اكلم اخوي وتراجعت

السلام عليكم
عندي اخ اكبر مني عمره ٤٠ سنة
مثل ماتعرفون انه امي كانت تفرق بالمعاملة لما كنا صغار والى الان
مفرقتني انا وهو وشيخت الباقي علينا شباب وبنات
هو عانى منها جدا ولا زال يعاني بس مو عليه على حرمته وعياله
جات فترة تحسنت العلاقة شوي وهو بالاساس رغم كل شي كان بار جدا ب امي
قبل ٧ شهور وبما انه ابوي الله يرحمه كان كاتب كل شي ب اسم امي
امي قسمت الارث كله على عينها
انا وهو طلعنا مثل مايقولون يد من ورا ويد من قدام
اغلب القسمة راحت ل اخواني الشباب والبنات
طبعا انا ماسألت ونسيت الموضوع كله بالاساس ولا كأني اعرف شي بس هو حقد وتعبى قلبه اول حاجة سواها نقل من الحي لي ساكنين فيه لانه احنا كلنا ساكنين بحي واحد
راح لمنطقة بعيدة شوي ومعزولة وقطع علاقاته كاملة بالجميع اخواني واخواتي بس مخلي علاقته مع امي الله يهديها يزورها مرة بالاسبوع بعد ماكان يوميا عندها واذا زارها قعدله ربع ساعة بالكثير كأنها رفع عتب فقط
حتى بالعيد ورمضان كانت زيارته فقط مقتصرة ل امي لا زار اخواني ولا اخواتي ولا حضر المجلس زارني انا فقط
طبعا الكل الان من الجماعة يلومونه او يلومون اخواني ووصل الكلام لنا
وهو مو سائل مبعد هو وعياله وحرمته وساكن بعيد
فكرت اكلمه بس تراجعت خوف يزعل مني ويقاطعني