افكر اهرب من البيت

بسم الله الرحمن الرحيم
السلام عليكم و رحمة الله
بقولكم سالفتي والي مسويه هالحساب عشان اكتبها ارجو انكم تقرومها للنهايه مشكلتي امي كرهتني عيشتي حطمت شخصيتي كسرت مجاديفي من يوم كنت صغيره مدري شفيها علي كل انواع الضرب حصلته و ما قلت شي مره كسرت علي عصى عشان سبب سخيف رح اقولكم بعض المواقف الي مو قادره انساها يوم كان عمري ثمان سنوات و كان الجو بارد جدا صحتنا امي ع المدرسه و قالت لي روحي شوفي الجو برا اذا برد ما تروحون المدرسه و اذا شمس بتروحون و انا رحت اشوف و كان الجو مشمس قلت ليش ما اقول برد علشان نغيب رحت ت قلت لها برد كأي طفله عادي تصير بعد ساعه طلعت و شافت شمس رجعت ضربتني ضرب و ما اكتفت اخذتني ع المدرسه و قدام كل البنات الي بعمري تقول بنتي كذابه لا تصادقوها و تقول ل معلمتي ابيك ترسبينها و ربي ما انسى وجها و هي تتكلم كان جاد و مليئ بالحقد حتى المعلمه رحمتني مضت هالسالفه و نسيتها و مرت الايام اطلع العب بالشارع و ابتعد عن البيت ما انتبهت لي تعرضت لكل انواع التحرشات بس الحمد لله ربك رحيم الحمد لله محد اعتدى علي و صل عمري عشر سنوات صرت اشتغل بالبيت و صارت تقارني ببنت خالي فلانه و بنت خالتي علانه و تتكلم علي قدام خالاتي و بناتها و لا عمرها اذكر انها مدحتني رغم اني كنت اشتغل بالبيت تقول بنت عمري ١٥ و حطمت شخصيتي قدامهم صاروا يشوفوني هبله تخيلوا انها مره قالت لي طلعي الغسيل و انشريه و انا عمري ١٠ انتضرت الغساله تخلص ما خلصت و كل الاطفال يلعبون قمت انا ضغطت الزر الاحمر على بالي لازم اضغطه لان امي اساسا ما علمتني متى تخلص الغساله و طفيت الغساله بس الملابس بعدها ما نشفت و طلعت الملابس و هي فيها ماي رحت انشرهم لما رجعت امي لقت الملابس كلها ماي قالت وش سويتي بالغساله انا جاني رعب لدرجة ما قدرت اتكلم و مسكت عصى و جلد و جلد و جلد بلا رحمه لين طلعت اركض ع الشارع ما تركتني لبست عباتها و وراي ركضت و جرتني من شعري للبيت جيت انا قلت امانه يا امي لا تضربي ما سويت شي ضغطت الزر الاحمر بس و تركتني و بعدين امي جابت بنت صغيره صرت انا اعتني فيها و انتبهلها و اساعدها فيها صار عندي خبرة بالاطفال و كبرت و صارت تروح الحمام وحدها بس انا اغسلها و بيوم اختي و سخت قمت انا قلت يا ربي كل ساعه قام امي ردت الله يبلاك بمرض يخلوا فتحه ببطنك يطلع منها الوسخ تقطع قلبي عشاني قلت كلمه بعدين صرت اروح دورات تحفيظ قرآن كذا من نفسي محد شجعني و حفظت البقرا و آل عمران و ٣ اجزء من ورى و كنت بنت جدا مؤدبه قسم بالله مو مدحا فيني الكل يحبني معلماتي بالمدرسه و معلمات التحفيظ و اقاربي الكل يشوفني ملاك الا امي تشوفني شيطان و صرت اساعد امي بكل شي بس امي دايما تفشلني قدام بنات بعمري و اصغر لحد ما صار عندي عقده اني انقص منهم رغم انه والله العضيم كنت زينه و ما ابي اقول احسن منهم لانكم ما تعرفوني مضيت السنين و صار عمري ١٥ و صارت تتهمني بعرضي و الله انام ليالي و انا ابكي و تعبي راس اخواني و ابوي رغم اني ما كنت اخليها تشتغل بالبيت كان معظم الشغل فوق راسي حتى اصحى قبل دوامي للمدرسه انضف المطبخ بس ما عمرها مدحتني دايم تدعي علي بالموت و انواع المدح و الدعاء لاخواني واذكر انه مره اغسل الملابس بس ما فصلت ملابس جدتي عن ملابسنا و كان عندنا ضيوف قالت فصلتي ملابس جدتك عن ملابسنا قلت لا قامت ضربتني كف قدام الضيوف ما انسى فشلتي و مره ثانيه نفس الضيوف واقفين يكلموا امي بسيب بلاط عليه مرشوش شوية مويه قمت انا مشيت ع الماي و طحت الحريم كلهم قالوا بسم الله عليك الا هي يوم اني وقفت ضربتني كف قدامهم و قالت عميه ما تشوفي و مره واحد من اخواني الذكور صار عمره ١٠ سنوات و انا ١٦ سنه ضربني مدري على شو تخيلوا ايش قالت برد قلبي يوم صار يقدر يضربك و غيرها و غيرها كثير جروح بقلبي مو قادره انساها لما صرت بالثانويه كنت الاولى على مدرستي رغم الضروف قامت جابت لي حاله نفسيه كل ما جيت اناقشها بتخصص تقولي عمرك ما رح توصلي لشي الي وصلوه بنات خالك انتي زباله من بين البنات ليش زباله لا انا من النوع الي يدخل و يطلع والله ثم والله انه مرت علي سنه ما طلعت من البيت غير خمس مرات و لا انا من النوع الي كسول بمدرسته و قرآن و احاول احفظ ليش تحطمني صارت تقارني ببنات خالاتي لدرجة انه حتى شكلي الي ربي خلقني فيه قارنته مع بنات خالاتي دخلت الكليه تخصص هندسه و انا متحطمه و تم انواع الادعيه علي جعلك تشوفين البنات يتزوجون قدامك و جعلك و جعلك و السب و القذف بأنواعه ع اتفه سبب صرت اقارن بين امي و معلماتي كيف عطوفات علي و يجبوني الحين صرت كل غلطه اسويها تدعي علي بالموت و تقولي اهربي من البيت و فكينا من شرك عبت راس اخواني علي كل شي اسويه تقول اهربي من البيت و فكينا و تدعي علي بالموت بالنسبه لابوي وااجد يحبني بس ما يقدر يسوي شي و صارت تجيب لي معاريس عمر اقل واحد فيهم ٥٠ سنه و انا عمري ٢٢ سنه هذا ظلم او لا الحين قاعده افكر اني اخلص دراستي و اخذ شهادتي و اهرب ع مكه و هناك اشتغل اي شي ع شهادت الهندسه و اتم ف مكه الى ان يقبض الله امانته و امانه ثم امانه لا تدعون ع امي جيت افضفض لان مهمومه حاولت ابرها قدر الامكان بس هي ما ترضى ابدا و رجاءاً بدون تجريح الي فينا يكفينا