افكر بالانفصال جديا بعد ٨ شهور زواج

تاسلام عليكم اخباركم صبايا
هذا رابط موضوع لي 
https://hawaaworld.com/%D8%B2%...
انا متزوجه لي ٨ شهور زواج والحياه لاتخلو من المشاكل الحمدلله يارب لكن لاحظت بزوجي انه بايعني بقوة عند اي خلاف يقولي مع السلامه روحي الله معاك
واخر مشكله صارت بيني وبينه ثالث يوم العيد قررنا نعيد بينبع واستاجرنا فندق واول يوم مشى على خير وثاني يوم قلب علي وصاير مطنقر ولمن جينا ننام بعد صلاه الفجر جيت امسح على راسه وبعد عني وقالي بنام ي فلانه وقمت سالته ماتبغانا نطلع نفطر قام كلمني بااسلوب حاد جدا قالي قلتلك بناام ي فلانه قلتله خلاص نرجع المدينه بكرة قال لي طيب وصحاني على صلاه الظهر عشان نصلي ونرجع المدينه ورجعنا ونحن بالطريق قلتله بروح بيت اهلي اجلس عندهم اليومين الي اتفقنا عليها انا وياك)) لانه وعدني بعد مانعيد يوديني بيت اهلي اقضي عندهم يومين)) وفاجاني يوم قلتله قالي روحي مع السلامه لوتبغين ١٠ ايام او١٥ يوم براحتك مع السلامه وياشر بيده لي يقول مع الف سلامه روحي بيت اهلك
ونزلني بيت اهلي والين الان ماصار في تواصل بيني وبينه ابدا لاراسلني واتساب ولااتصل بي وارسلتله رساله امس وحذفتها سويت حذف لدى الجميع
ابي رايكم ووش التصرف الصحيح انا صحيح ودي ارجع بيتي بس ماهو على حساب كرامتي وقررت مااراسله
مع العلم ي بنات اتعبني هذا الانسان احسه بايعني باي خلاف يقولي بوديك بيت اهلك ومع الف سلامه ومع السلامه ويأشر لي بيده واذااتكلمت معه وتناقشنا يقولي يمين بالله لني ماابغاك تروحين وني احبك ولاودي بالفراق بس هي تتساوى عندي وقت الزعل وخلاص اوصل حدي ؟!!
ابي رايكم ي بنات علما انه موصغير عشان يبيعني ذي البيعه كلها بيني وبينه ٢٧ سنه المفروض يكون انسان عاقل ولايبيع بالصغيره والكبيرة
افكر ارسل له واقول له الحمدلله اني ماحملت عشان مااجيب طفل ابوة بايع امه بربع ريال

ولانويت اتواصل معه ابدا ان بغاني يعرف ويدل عنوان بيت اهلي يجي ياخذني زي ماوداني لهم