افكر بالرجوع والمعدد السبب هل انا صح؟

السلام عليكم ورحمة الله وبركاته

اكيد فاكرين موضوعي عن زوجي واني تطلقت وشلون هو ظلمني وتغير علي .. طبعا انا اكتشفت مأخرا

انه تغير علي بعد اول شهر من الزواج بسبب تعرفه ع وحده من تويتر حسبي الله ونعم الوكيل كانت

تعرض نفسها لزواج وتقول مواصفاتها وتطلب مواصفات عريس معين وطبعا زوجي ضافها وبدؤ رحلة

التعارف. وانا ياغافلين لكم الله المشكله كنت اقوله انا اثق فيك وموكله ربي فيك دامه يشوفك هو حسبي

انا حتى لو اشوفك تخون ماراح اقولك دامني موكله ربي المهم انه كان يقولها ان زوجاته الي تزوجهن كلهن

فيهن عيوب طبعا حط العقم بالأولى وانكر امام البنت عقمه وانا وهدا الي جنني قال كشفت بها مرض الكبد

حسبي الله عليه مجرد طاريه يخوف مدري شلون قدر يكدب هالكدبه وكمان يقول انه كشف فيني شي موب

زين اااااااااااااااخ يالقهر وانا الحمدالله المصحف والاستغفار ماكان ينفك من يدي. فكرنا نشتكيه بالمحكمه بس

قالت امي هالشي بيسبب عليك شوشره وانتي ع وجه حياه جديده ,,, انا هنا وقفت وقلت لامي وش قصدك

قالت تقدم رجال فيه خير ومدري وشو لكنه متزوج عنده ظروفه الي تجبره ع الزواج ولا راح يطلق

زوجتته لانه مايبي يظلمها قلت انا مقدر اخد واحد متزوج نسيتي خطيبي الاول شلون كدب علينا وعيب

بزوجته وقال مطلقها وبالاخير طلع كداب يبي يئدبها ولي كلا المقلب انا وتطلقت انا لي احساس مابقعد اتطلق

كل مره قالت هدا غير سئلنا عنه زين وبعدين من ربعنا واحنا وابوك مرتاحين له ومعد بيجيك غير هالرجال

يا معدد ياشايب هدا قريب من عمرك ولمتى بتقعدين كدا اخوانك مشغولين بحياتهم واحنا مودايمين لك .

وقتها من القهر قلت برجع لزوجي ولا اخد معدد مااعرف ممكن هلمعدد يستغني عني ويرجع لزوجته

ويطلقني وانا معد صرت احس بالامان قالت انا ابوك لي معه 40 سنه موماخده عليه صك الرجال بكل

حالاتهم مالهم امان قلت اجل ماراخ اتزوج قالت مو بكيفك والله يابنات تعبت بجد صرت افكر ارجع لطليقي

ولا اخد معدد وامي يوم عرفت تفكيري هدا عصبت وقالت ابوك حرمه عليك مثل اخوانك ولا هو بكيفك بعد

كل الي سواه معك تقولين بترجعين وتقعدين خدامه عنده حتي عيال ماراح يجيلك وش رايكم يابنات وش

اسوي مقهوره ليه وش دنبي اني تزوجت كداب خلاني مطلقه وانا توني ماعشت حياتي حسبي الله ونعم

الوكيل