افكر بالطلاق شوروا علي

السلام عليكم خواتي
مدري من فين أبدأ لكن ب احاول اختصر وارتب كلامي
زوجي الحمدلله قايم بواجباته ف البيت من اكل وشرب ولبس لكن غيره لا.
واقصد ب كلامي ب اني ما احسه يشتاق لي ويحبني :( علاقتنا رسميه وجافه بشكل كبير.
ماقدر اشتكي له ب اي حاجه تضايقني ولا اتكلم ب راحتي معاه لانه كثير الانتقاد واخاف من انتقاده في اي شي :(
حتى احيان توصل معي ابي احضنه واشوفه مو داري عني وارد نفسي عنه الين اكسر نفسي وادخل ف حضنه واشبع حاجتي واقوم :( ولا يهمه احضنه واقوم وعادي عنده :(
وزياده ع كذا كثير اوقات يقول ب اروح انسدح شوي او اخذ غفوه واجي الاقي عضوه منتصب :( اعذروني بس مادري كيف اوضح لكم بغير ذا الطريقه. وعيوني تجي عليه وتدمع عيني لان مستحيل تصير بدون مايكون شايف له شوفه ب جواله :( واذا انتبه لي يسحبني ويقول كنت افكر فيك :( ياكل بعقلي حلاوه :( اللي يفكر فيني يتركني منشغله بالعيال ويروح ينسدح لحاله!!!!!
غير انه كثير ايام يكون جافي وساحب علي وفجاه يجي الحب دفعه وحده لين ياخذ اللي يبي وترجع حليمه لعادتها :( واذا سواها كذا اعرف انه شايف له اشياء ويوم وصلت معاه مالقى غيري وجا :(
بنات ماني قادره اتجاهل حاجتي للحب والدلال :( خصوصا اني جميله ومهتمه يعني لو واحد غيره كان قدر اهتمامي وقدر وجودي ب حياته لاني انسانه طلباتي قليل وشكواي قليل ما ازعجه ب اي شي :(
انا صايره افكر كثير بالطلاق بس اخاف ع عيالي :(
في نفس الوقت كلهم بيكبرون ويعيشون حياتهم وهو في يوم وليله لو يبي بدلني ب ثلاث وعاش حياته لكن انا :( حاسه ان ايام عمري تنقضي وانا ماعشتها
وانا ماعندي طلبات لا ابي اموال ولا ابي ملابس ولا قصور :( كل اللي ابيه واحد يحسسني ب حاجته لي ويقدر وجودي ويعطيني حُب :( حاسه بنقص فضيع
وادري لو طلبت الطلاق بينظرون لي ب نظرة التافهه اللي ماعندها مشكله وتخلق مشكله ويمكن كثير منكم بينظر لي كذا . :(
لكن صدقوني حاولت اتجاهل هذا الاحساس وانبسط ب عيالي واعيش حياتي ب النعم اللي فيها لكن مو قادره :(
اكثر شي ممكن يخليك سعيده بحياتك مهما كان فيها من عيوب هو شعور الحب بين الزوجين :(
واذا انا زوجي كذا !!! ل مين اروح؟
هذا غير شكوكي حول انه ممتع نظره ويمكن له علاقات عالجوال لكن مو قادره اتجرا وافتش لاني كنت افتش واتعب نفسياً ف تركته لله يحاسبه وانا مالي دخل الا بنفسي ما اغلط . لكن كل مالها حاجتي تزيد ب زياده عمري
ومو متخيله بعيش عمري الباقي بذا الشكل :(
ساعدوني تكفون والله مالي غير الله ثم انتم.
امي ماقدر اشتكي لها ولا اي احد وزوجي ما اقدر اصارحه لانه مايطلع معي بنتيجه دايم يلف ويدور لين يطلع نفسه الصح وشايف نفسه قايم بواجباته وهو فعلا مو مقصر بشي بالبيت بس :(
ابي علاقتي فيه تكون مبنيه ع حب ورحمه وراحه
انا اخاف من انتقاده في كل صغيره وكبيره كاني بنته مو زوجته والعلاقه البارده ذي صايره تاثر في تعاملي مع اولادي وحتى ف ابتسامتي طول الوقت مكشره :(
ب انتظاركم
الله يسعدكم وشكرا ً مقدماً.