الحين مو يقولون توظفي عشان تشيلين نفسك

خلاص انت موظفه والراتب مرتفع ماشاء الله خذي لك شقه ملك و اطلعي انت و عيالك

اي حياة أهون من الاهانه قوي قلبك و الناس حطي كلامهم تحت رجليك محد حس فيك وانت تنضربين و تنهانين



قبل ما تتطلقين استخيري و استشيري و قوي قلبك وخلي ربي ملجأك وكان الله في عونك

انا معاك
بس ابحثي عن موضوع الحضانه وحاولي تمسكي ادله على زوجك
وكلام الناس سيفوووووووون

يا اختي الزواج موده ورحمة وهذا الشيئين مو متوفرة

انا 3 ايام ماتحملتها مع رجل مثل المواصفات اللي قلتيها لا خلق ولا اخلاق بعدها طلبت الخلع والحمدالله خلصت منه وانا بكر ..
3 ايام بس كانت اسوء الايام بحياتي
الحمدالله على الخلاص منه

انتي تحملتي 5 سنوات !!!
الله سبحانه وتعالى بيحاسبك على حقوقه وواجباتك تجاهه
و الله لا يكلف نفساً الا وسعها

لو تطلقتي ابوك بيستقبلك غصباً عنه مستحيل يخليك برا
الاهم الاستخارة احنا ماعشنا ظروفك
صلي ركعتين وادعي وصدقيني ربي بيسهل لك القرار الصحيح

قال تعالى ادفع بالتي هي احسن فإذا الذي بينك وبينه عداوه 
كانه ولي حميم (الآيه) 
لاتستعجلي بالقرار الالما تبذلي الاسباب
يعني غيري معاملتك معاه بغض النظرعن حبك اوكرهك
له يعني اعطيه جوه لادخل البيت ارفعي سابع سماء
رحبي فيه واحترميه وسمعيه كلام حلو واعملي جو
من الالفه والمحبه حتى لو مالك خاطر فيه اتفنني
بخدمته 
منها تكسبي اجر ومنها تتقي شره وتعيشي وسط
اولادك بجو عائلي مريح  لصحتك واولادك 
اسعي بماتقدري عليه انك تكسبي رضاه وتتقي شره 
لاتفكري بحبك اوكرهك له فكري بمعاملتك الحسنه له
ترضي ربك وتسعدي اولادك وتتجنبي الاهانه منه
والضرب 
لانه ماتضمني اذا خرجت من البيت اش بتكون
العواقب من ناحية اهلك وزوجك 
والله في كلام كثير ودي اكتبه لك وخطوات كثيره
اتمنا تتبعيها قبل ما تتخذي اي قرار مصيري
ممكن تندمي عليه بس خفت اني طولت عليك
بس طولي بالك واصبري واتجنبي اي شي ينرفزه
ويخلي يلجاء لضربك 
الله يهدي ويصلحه ويسخره لك ولاولاده ويحنن قلبه
عليكم 

خلاص تطلقي دامك معزمه

ولاتروحين لاهلك

استأجري شقة قريب منهم

وبالنسبة للبنت .. الحين البنت مع امها مايقدر ابوها ياخذها الا اذا تزوجتي .. وحتى لو تزوجتي تنتقل حضانتها لجدتها الي هي امك

الله يفرج همك وينصرك ويخلي لك عيالك