افكر جديا بالطلاق اذا مالقيت حل

السلام عليكم

بدخل لكم بالموضوع على طول طبعا مافي مشكله معينه زوجي محترم معي مايقصر ماشاء الله يعني الحمدلله لكن له فتره يلمح اني غلطه بحياته وان اكبر غلطاته لما جاب بنت مني وانا الحين حامل .. وكل شوي يردد الجنه الجنه والله يعوضني علما باني مهتمه ب واجباته بالبيت فقط لا اكثر قبل كنت اتكشخ له ونسهر كل ويكند سهره غير الى ان جا يوم قالي انا تعبان ب انسدح شوي ان نمت صحيني بعد ساعتين عاد انا خليت بنتي عند التلفزيون قلت بروح انسدح معاه ونسولف :( وليتني مارحت لقيته ماسك فونه وانتبهت لعضوهه منتصب :( اعتذر على الصراحه بس ابي تكونون معي ف الصوره وتكررت اكثر من مره .. بعدها كرهت اي شي معاه واذا بغى يجيني اخليه يسوي كل شي بنفسه .. المشكله انه انتبه لي اني انتبهت له ولا علق عادي يعني وممشي الايام زي مايبي ..

غير انه مايصير طيب ولا حنون ولا كلامه عسل الا اذا يبي حاجه :( تعبت من ذا العيشه وكم مره اكشخ ابي بس البس ما اقصد شي .. ينط يحسب اني ألمح :( والله صرت احيان ابكي يعني مو معقول الحب والدلع بس بذا الاشياء واذا خلص .. يصير نفسه ف راس خشمه بس يهاوش او يتكلم برسميه .. تكلمت معاه ف ذا الموضوع ينكر :( يقول انتي تربطينها ببعض لحد مابتكرهيني حتى ب الفراش :( صرت اسكت وبكيفه ..
بس اليوم حصل موقف بيننا وكتب بالواتس حالته انه يلعن الحظ اللي حده على ناس ومدري ايش وهو يقصدني فيها .. وكلمته مره قلت محد مجبور على احد ع حساب نفسه وكان قبلها قايل جمله انو حرام نتحمل بعض عشان طفل وهو يتكلم عن نفسه :( ف قلت له هالجمله قام رد قال تاخذين الحكي اللي تسوين عليه مشكله .. قلت مو مجبوره اعيش مع شخص متحملني عشان عيال .. وقال انتي عارفه لو افترقنا محد بيخلينا بحالنا يعني قصده اهلنا بيرجعونا وهو يفكر ب بنته بس انا مدري وش وضعي قرفت

تعبت من نغزاته ماني قادره امارس حياتي طبيعيه وابيه يحترمني ويحترم مشاعري يعني سبحان الله يقلب شخص ثاني قبل ووقت انه يبغى العلاقه بس يخلص ترجع حليمه



انا بصراحه فكرت بالطلاق لاني مو بحمل الضغط النفسي خصوصا اني حامل اي كلمه تأثر فيني لكن قريت كم موضوع فيه بنات مطلقات هنا تراجعت شوي
ف ابي نصيحتكم : ابي بس يحترمني ويراعي خاطري غيره مابي .. لا حب ولا كلام حلو ولا خرجات ولا هدايا .. ابي علاقتنا رسميه لا اكثر

لان قربي منه مازاده الا انتقاد واخذ راحته بالكلام لدرجه معاد يحاسب هذا يجرح او لا .. ولا انا نفسي اعيش ب حب ورومانسيه لكن شكلها ف المسلسلات فقط .. انا اخذته رجال عملي مايحب هالاشياء الا ع حسب مزاجه .. مره قعدت ارتب كم شهر ل سهره حلوه معاه بمناسبه مرور خمس سنوات ع زواجنا ولما خلصنا وكل شي .. قال الحب عندك ورده وحفله بس .. كرهني بسهرات وحفلات وكل شي ..

ابي تساعدوني بس كيف اتجنب احتكاكاته ونغزاته .. ومعاتب وكلام اقوله له مابقدر لاني جربت ودايم نصطدم وزعل ومدري ايش .. لان صعب تعيشين مع واحد تحسينه مايبي منك الا ذاك الشي غيره انتي والكنب واحد

واللي تعرف للشخصيات هو شمالي شرقي