.
.
هاليومين قاعده احوووس وافر بالمواقع الأجنبيه اي شي قدامي جديد ومميز حاولت اني استفيد منه
اللي تابع مواضيعي بقسم الطبخ بيعرف اني ماانزل الآ المواضيع الحصريه والجديده
وهالمره قلت امر على قسمكم اوريكم بعض الأشياء اللي انا متأكده ان الكل بيستفيد منها
ويدعيلي ان شاء الله
بس لي طلب بسيط ابي اشوف تفاعل قوي وحلو يعني شي شفتي عندي على طول روحي وجربيه
لأني بعطيكم الشي السهل واللي الكل بيستفيد منه واعطوني آرائكم وتجاربكم
عشان الكل يستفيد ويصير مرجع مليان بالأفكار المجربه والمطبقه
ونرحب بأي اضافه او مشاركه من الأخوات بعالم حواء
اول شي جمعت كم فكره لتنضيم المطبخ ان شاء الله تجربوها ونشوف ابداعاتكم فيها :
طبعا الكل عنده هوايه تجميع اكياس البلآستك وياكثرها بأول الشهر طبعا اللي مطبخها صعنون ماراح تلآقي مكان تخزنه فيها
فكرتنا شنطه من القماش لتخزين الأكياس وطبعا بتلآقيها بأيكيا ولكن البعض ماراح يقدر يجيب منها
اذا حبيتي الفكره هنا طريقة الشنطه وانتي وافكارك ولمساتك
جيبي اي قماش واصفطيه وخليه بالطول وخيطيه من الجنب ومن فوق علقي قطعه صغيره عشان تتعلق
بالمسمار
من تحت ماادري كيف بشرح لكم سوي مثل حركة البنطلون يوم ندخل فيه خيط يوم ادخلي الخيط اسحبي القماش خليه ينزم ويتسكر من تحت واربطي المطاطه وبس
شوفوا الصور وان شاء الله توضح
تعليقه لأغراض المطبخ وزي ماقلت اللي تروح ايكيا بتشوفها واللي ماتقدر تروح تخترع لها علآقه
شوفوا الصور وبعدها نعلق عليها
الحين جت براسي فكره للي ماتقدر تجيب الشي هذا تروح تجيب لها اي عصا تصبغها تجلدها بكيفها
تحاول تثبتها بأي مكن تبي العلآقات اللي تعلق فيها تجيب اي قطعة حديد وتحاول تشكلها على شكل حرف S او الحديد اللي يجي بعلآقات الملآبس تحاول تستفيد منها تثبتها بمعرفتها
السلآل المعلقه لتخزين الفواكه او ادوات المطبخ
جيبي اي سلة تشبه اللي بالصوره وتحاولي تثبتيها بالجدار او بالباب وحاولي تستفيدي منها في التخزين
تنظيم رف الأكواب والصحون
اللي درجها صغير وكاساتها واكوابها فوق بعض تشوف هالصوره وراح تستفيد منها
تقدري تحطي بالصينيه مثلآ الأكواب اللي راح تستخدميها الصباح يصير بس سوي الحليب
واسحبي صينيتك وروحي فطري عيالك
ترتيب درج المنظفات
شوفي الصوره وتقدري تستفيدي حطي علآقات وعلقي بعض الأشياء بطريقه فنيه تفتح النفس
وحطي المنظفات حقت التنظيف اليومي بالسطل اللي تستخدميه يصير بس طلعيه وروحي نظفي براحتك
ترتيب علب البهارات المستخدمه يوميا
يعني مثلا ايش البهارات اللي تقريبا كل يوم تستخدميها كلها حطيها بمكان واحد يصير نزلي الصينيه
خلصي امورك وارفعي اغراضك عشان مو كل شوي ترتبي درج البهارات
او حطي الملح والفلفل وزيت الزيتون وكل شي تستخدميه على السفره اليوميه وقت الغدا خذي صينيتك
وحطيها على السفره
خلصنا من المطبخ بنروح لترتيب باقي الغرف بعطيكم بعض الأفكار الحصريه لكم
يتبع المووووضوع
