افلام منميه لذكاء الأطفال من عمر 4 شهور بلأنجليزيه

السلام عليكم جميعا..
خواتي ابغى انصحكم بسلسلة افلام للأطفال جدا مفيده وتنمي ذكائهم بطريقه ماصدقتها الين جربتها مع ولدي الله يحفظه من لما كان عمره 4 شهوروالحين مشالله عمره سنه ونص وماتتوقعو شقد متعلق فيها ويحبها ومايحب افلام الكرتون اللي مالها معنى ولا وراها فايده هلأيام ..المهم ماأطول عليكم المجموعه الأولى اسمها baby einstein والثانيه اسمها brainy baby
وطبعا تختاري الفلم حسب عمر طفلك لأن تبدأ اللأفلام من عمر 4 شهور وطبعا خذي الأشياء اللي تناسب مجتمعنا وديانتنا لأن في اشياء تعليم الأدوات الموسيقيه واشياء للكرسمس يعني عيد المسيح وهاذي اشياء ماتناسبنا ولا وراها فايده انا اخذت ألالوان والحيوانات والمجرات في الكون ..الخ
طبعا حبيباتي بلسعوديه المساكين مثل حالتي مابتلاقوها الا بلأنترنت سوو بحث في قوقل او من امازون اطلبوها واللي برا السعوديه تلاقوها في فيرجن ستور غالبا ..انا ساعات الاقيهم في البحرين في السيف محل اسمو ايفوريا..
نصيحه ثانيه انصحكم في بارني ترى يعلم الطفال الأدب والعادات السلوكيه الحسنه مثل الأستئذان وتغطية الفم لما يعطسون واشياء كثيره.
وحذاااااااري من تليتبيز ترى ينمي الغباء عند الأطفال لأن لغتهم اصلا مش مفهومه ومامنه فايده.
وسلامتكم :)