سبحان الله وايضا الجمل يهاجم الناس بدون سبب ويسمى عند البدو ( الوكله )خصوصا اذا كان وقت التزواج اذكر مره كنت العب جمب بعير معقله راعيه بالسلال وانا عمري 11سنه واشوف امي تصيح علي من بعيد وتأشر بيدها وانا ما افهم وش تقول !!
اثره كان يحاول يفك سلاسله وياكلني!!
بس الحمدلله الله فكني من شره
عاد وقتها امي علمتني بقصة وحده من قرايبنا كانت في سني بعد
تقول برك فوقها البعير وقطع ظفاير شعرها المسكينه بس فكها ربي منه ونجت من الموت باعجوبه..
هذا من غير انه هاجم جدي وطارده مسافه بعيده يبي ياكله لان جدي كان راكب فوق بعير وهو مايطيق الفحول
المهم طارده لين زبن جدي الله يرحمه على ناس مايعرفهم وعلمهم واستعدوا للبعير بالسواطير واول ماجاء اذبحوه واقصبوه وتعشوا عليه هههههههههههه
بعدها بفتره قصيره جاهم راعي البعير زعلان على اكلت بعيره
بس ماردوا عليه ووبخوه وقالوا له هذا جزاء اللي مايربط بعيره الوكله عن الناس
الصفحة الأخيرة
استغفر الله العظيم الذي لا إله إلا هو الحي القيوم واتوب إليه
استغفر الله العظيم الذي لا إله إلا هو الحي القيوم واتوب إليه