افهموني ثم احكموا علي/ أنا وبنات زوجي .معدل

تزوجت من رجل مطلق وعنده بنتين / وقت الخطوبه امه قالت انه البنات بيفضلوا عايشين عند امهم وابوهم يعطيهم مصروف لان امهم تبغاهم ومصره '....بعد الزواج باسبوع انقلب الهرج كله وماكملت اسبوع الا انا امشط واصحي للمدارس وادرسهم واحل واجباتهم واروشهم واغسلهم واكويلهم ومع هذا كله سكت واحتسبت الاجر ويشهد علي الله حبيت البنات بس ماحبيت العيشه كذا يعني من بداية زواجي وانا خرجتي معاهم ودخلتي معاهم وللاسف حتى النوم اذا جيت انام مع ابوهم يدقون الباب ياتعالي نامي عندنا يايجي بابا والبنات مو صغار 13 /10 سنوات وابوهم يلبي طلباتهم لو يبغون لبن العصفور والبنات خصوصا الكبيره فيها دلع ومجاغه  لاتحتمل يعني تصحي من النوم تبكي ابغا فصفص نفسي فيه يجيبلها ابوها ولو ماعندنا نزل اشترالها اقوله مابتموت لو مااكلت فصفص يقولي  طفله لاتدققي المهم البنت تعودت طلباتها ملبيه حتى لو غلط باسلوب الدلع علي ابوها والبكي الماسخ لمن شفت الحال كذا بديت احس بضيقه في الصدر وملل وطفش فضيع يعني احس حياتي غلط وبديت اكره تصرفات البنات واسلوبهم رغم هذا يشهد علي الله لاقصرت في خدمتهم ابدا طلباتهم اللي انا مسئوله عنها اكل وغسيل وكوي وتدريس البيها لكن مو من قلبي فقط كواجب ومادري لي اجر ولا لا كمان ورغم اني مااقصر عليهم في شي يعني احيانا اسهر الى نص الليل احل واجباتهم لكن صرت البي كل طلباتهم وقلبي بدا ينفر منهم ومن اسلوب خصوصا الكبيره لانها دائما تسأل عن كل صغيره وكبيره وليه اتزوجت بابا ولمن اقولها رفعي الغرفه او سوي شي تقول لا اقولها اجل نامي وخليها انا ارفعها ترد علي بنام وخلي التعب لكي واذا طلبت ابوها يكلمها يخاصمها شوي واذا بكيت قالها خلاص سامحي بابا علشان كذا تمردت وعرفت كيف تجيب راس ابوها 


سؤالي / المحبه شي مسؤل عنه القلب حتى الرسول ماحب زوجاته بنفس الدرجه لانه مايقدر يتحكم في قلبهة؛ ؛؛؛؛؛؛؛ فلمن اؤؤدي كل واجباتهم وانا ماحبهم لان تصرفاتهم تكرهني فيهم ومااقدر اتحكم في قلبي هل علي ذنب £££