افيدونا بوجبات للاطفال من عمر سنه ونص

اب نفس الطلب

ماشاءالله سنة ونص معناته يبدأ يآكل من كل
الأصناف والأنواع و ثلاث وجبات رئيسية
و وجبتين خفيفة طبعا مع الرضاعة ..
الفطور بيض مسلوق او مقلي مع جبنة
او لبنة او مثلا كورن فليكس مع حليب
بعد الفطور بساعه او ساعه ونص ساعتين
رضاعة 250 مل
بعدها بساعة قطعة كيكة او فاكهة
الغداء طبعا معكم يتغدى واهم شي
ياكل خضار و رز دجاج او لحم مع زبادي
طبعا اذا حسيتي ماوده بالغداء حاولي
تشترين له طقم اواني حلو حق اطفال عشان ينبسط
و صبي له بكوب نص حليب ونص لبن جدا مفيد
طبعا المغرب سلطة فاكهة مقطعه
وتعطينه شوكه بينبسط..
او شابورة او شيبس مره باليوم طبعا مع عصير
و كيك .. او بسكويتات جيبي اشياء مفيدة
زي بسكوت التمر ومعمول التمر ..
عطيه تمر مع وقت القهوة الاحظ يحبونه الاطفال
حاولي ماياكل او يرضع قبل وجبة العشاء
عشان ياكل كويس و يشبع ولا يصيح عليك بالنوم
يبي رضاعة ..
العشاء ممكن مكرونة او باقي الغداء او مرقة خضار
او شوربة و معجنات ..
طبعا بين الوجبات في خيارات كثييير
بس اهم شي لاتعودينه على الشوكلاته والشيبسات
والاشياء هذي و بنفس الوقت ماتمنعينه عنها
يعني مره باليوم او مره كل يومين ..
والله يحفظه لك

الله يعطيك العافية اخت هذيان ،