افيدونى الله يخليكم

اعرف انه هذا القسم مو مناسب لطرح مشكلتى بس ترانى احب كل الى يدخل هالمنتدى واملى انكم يبنات يا شطورات تساعدونى بنصيحة ولا بدعاء
بسم الله الرحمن الرحيم
والصلاة والسلام على سيدى وحبيبى وقرة عينى محمد النبى الامى وعلى اله وصحبة ومن اتبعة الى يوم الدين
اما بعد : فالسلام على كل اخواتى واخوانى الاعزاء
انا معى مشكلة ودى لو تكرمتوا تعطونى رايكم ....ارجوكم ترانى محتاجة لنصيحة احد اكبر منى ولا اصغر منى ترا السن ما شرط يكون مقياس للخبره والحكمة.انزين

ادخل فى الموضوع .......الله يسلمكم انا طالبه ادرس الادب الانجليزى وباقى لى سنة واتخرج ان شاء الله يارب دعواتكم ..بعدنى راح اعزمكم على حفل التخرج ان شاء الله

وين المشكلة الحين ؟؟؟المشكله الله يسلمكم انه اهلى يبونى اكون مدرسة ,,لانى المجتمع معانا تقريبا ما يعترف غير بالهشغله كانه باقى الشغلات محرمة....المهم..انا بصراحة ما عندى مانع انى اكون مدرسة بالعكس اتشرف انى اكون مربية اجيال لكن المشكله خارج ارادتى وهى :انه عندى مشكله صحية فى الفك مالى يعنى ماقدر اتكلم وايد ولا اضحك وايد ولازم ابتعد عن القلق والاضطراب وانتوا تعرفوا ان مهنة التدريس تعتمد على اللسان والكلام وبعيد عنكم انا ماقدراشرح وايد الله يعين زوجى فى المستقبل كيف بشرحلة عن مدى حبى له هذا اذا تزوجت ,,,,,ادعولى يتزوجنى طبيب اسنان عشان يساعدنى ويعالجنى فى نفس الوقت امين
زين وفوق هذا بعد انه اذا بغيت ان اكون مدرسة لازم اخذ تاهيل تربوي يعنى سنة زيادة وانا بروحى متاخرة يعنى عمرى كلة راح يروح فى الدراسه اهى اهى لا لا تعبت

وبين وبينكم اذا اشتغلت مترجمة يعنى غير التدريس راح يكون فى مكان مختلط وانا مااحبذ بس وشى اسوى علما انى ادرس فى جامعة مختلطة ولا يوجد اى احتكاك بينى وبين الاولاد ....يعنى من خبرتى اكتشفت انه البنت المحترمة تفرض احترامها على الكل وماحد يتجرا حتى يشوف عليها يعنى لا تخافون على اذا اشتغلت فى مكان مختلط بس والله وربى يعلم انى مااحبذ انى اكون فى هالمواقف ..يعنى وش اسوى اخذ الشهادة واعلقها على جدار حجرتى وفى نفس الوقت ماقدر انى اكون مدرسة فعلا مشكلتى جادة والم الفك مالى ماسهل بس الحمد لله على كل حال..وانا مستمتعة بهذا الابتلاء......عسى ولعل ذنوبى تروح وما ترجع ان شاء الله

ونسيت اقولكم ان العمل لازم يكون فى العاصمة نظرا لتوفر الشواغر هنا وهذا عامل رئيسى يجعل اهلى يرفضون هذة الفكرة ...
اسفة انى طولت عليكم ومادرى اذا فهمتوا مشكلتى ولا لا ...لانى اكتبها على عجل,,بس ارجوكم ما تتجاهلونى ساعدونى حتى ولو بكلمة بسيطة ولا بدعوة لاختكم الحزينة ..انا يعنى