افيدوني افضل طريقه لعمل الحلبه لنفاس ؟

خوذي ملعقة صغيرة حلبه وحطيها بالفنجال وصبي عليها شوي ماء مغلي حااااااار .. عشان تلين الحلبه .. وخليها ساعتين ثلاث لين تتشرب الماء .. ثمين صبي عليه شوي عسل طبيعي وكوليها ... تصير لينه والعسل يخفي طعمها

وبالعافية عليك

بحياتي بعمري ماخذت حلبه تراها مو كويسه تجمع لمويه في الجسم بعدين تسبب لك رطوبه بالارحام وتصيرين تشتكين من كثرة المويات
عندك البديل الماش مررره رائع يقوي العضام ويدر الحليب اطبخيه مع مرق وكليه

اللي متعارف عليه عندنا تسوين حليب ولما يغلي تحطين الحلبة وتتركينها شوي مع بعض تغلي وتطفين عنها او تسوين مغلي حلبة لوحدة

الله يسهل عليك يارب والله الحلبه مفيد جدا انا اختي بنفاسها بس تتشكي من عظامها
فكنت اسوي لها الحلبه بطريقه عمتي ام زوجي فديتها
وهي جيبي الحلبه ونظفيها زين من الحصى واطحنيها وحطيها بعلبه وكل صباح حطي منها بكوب ملعقه تقريبا وصبي عليها حليب حار
حركيها زين وخلي الحليب شوي الحلبه راح تنزل تحت باسفل الكوب وبس تشربي الحليب اكليها بالملعقه
في البدايه راح تغصبي حالك بس راح تتعودي على الطعم وتحبيه
دعواتك لي بالولد الصالح يارب

ناس يمدحونها وناس يذمونها

والله أعلم وش الصدق !!!