افيدوني بالحبه الحمراء(الرشاد,الثفه)

تفتح الشهيه ذي اول مره اسمعها .. الي اعرفها انها زينه لألام الظهر وللنفاس والعظام ..

لو تبين شي يفتح الشهيه اعطيعهم ملعقة عسل اذا صحوا من النوم او تفاحه وكاسة عصير برتقال ..

وبالتوفيق

اهلين عزيزتي وشكرا على الرد هم يااختي لو يرضون ياكلون تفاح اول مايصحون اويشربوا عصير كان انا بالف خير ماتتخيلي حجم المعاناه اللي اعيشها والله احط الفطور من ساعتن الي ثلاث عشان ياكلون وولدي توه صغير على العسل وبنتي اكرمك الله جاها اسهال من العسل :16: عشان كذا انا سالت عن الحبه الحمراء كثيرين يمدحونها انا اليوم سالت امي قالت هي زينه بس ماسمعت عن انها تفتح الشهيه قالت تشد الجسم وتقويه قلت اسال البنات واللي اتذكره انها اماراتيه اللي مدحت الرشاد قلت خلنا نتعلم :39:

حبيبتي أنا نفس مشكلتك والله أنهم يقعدون يوم كامل ما يأكلون شئ ولا يحسون بالجوع ولا يطلبون أكل أبداًً ..

والله بنتي تروح للمدرسة من غير فطور حاولت فيها بالطيب بالغصب بالعقاب ما في فايدة ..

بس تدرين أنا صرت أجيب الأشياء اللي يحبونها وتكون مفيدة لهم ..

يعني مثلاً : دانينو دائماً بالبيت ، العصير حاولي دائماً يكون بالثلاجة وقدامهم يمكن يشتهون..
الكورن فليس جبت جميع الأنواع يأكلون منه أول ما أجيبه بعدين يقعد فترة ما أحد يلمسه فأضطر أسوي فيه حلا ..
جربت أعطيهم حليب بالشوكولاته حسيت أنه يفتح شهيتهم للأكل والحمد لله نفع .

وأخر شئ جربته نظمت وقت أكلهم قلت يمكن يتعودون ويصير أذا تأخر وقته يطلبونه هم ..

معليش طولت عليك بس حسيت بنفس المعاناة ...

أم الركني ابد حياك الله ادري والله همنا واحد المشكله احس ان هذه فتره نمو والاكل مهم لهم لعظامهم واسنانهم تخيلي بنتي تقريبا سنتين وزنها 9 كيلو واخوها 10 شهور ووزنه وزن طفل 5 شهور والله قلبي متحسر عليهم بعدين انا بامريكا وهنا مايعطون الاطفال فاتح شهيه او فتيامين الا بوصفه طبيه والدكتور رافظ ويقول هذه بنيتهم وهذه شهيتهم :( عشان كذا قلت اجرب الاشياء الطبيعيه

والله عيالنا ماادري وش فيهم كانك تتكلمين عن معاناتي اختي Full Moon

خاص الصبح تقول في حرب على الاكل بالقوه حتى ياكل ويوم ياكله يرجعه والغريب انهم لو يجلسون طول اليوم مايطلبون الاكل ابد