افيدوني بتجاربكم..

انا مو متزوجة ..بس ما اشوف زوجك له اي دور في اللي ذكرتي؟
مو عقولة كذا ..الحياة مشاركة, والوضع في الغربة مو نفس الوضع بالبلد.. خليه يشيل عنك شوية من الحمل ويساعدك في التنظيف ومسك الطفل.

طفلك نومة الظهر هي اللي مخربة عليه ..لو انتي تجيبينه من الحضانه وتلعبينه وتأكلينه وبعدين ينام مرة وحدة يكون احسن.. وانت تتفضي للمذاكرة في الليل بعد ما ينام.

الواجبات حاولي تحليها على طول بعد الكلاس, او في البريك بين الكلاسات. عشان تتفضي رجعتك للقراءة والاساينمنتز الكبيرة.

الاكل ما يحتاج طبخ ونفخ! سوي سندويتشات وشوربة معلبة جاهزة وسلطات واشياء خفيفة..

والصحون ممكن تاكلوا في بلاستيك وقطيها :) اريح من الغسيل.. عموما اذا ما صار عندك طبخ كثير مرة ما بتصير فيه صحون. وحاولي وانتي تطبخي وتنتظري الاكل ينضج تغسلي الصحن او الملعقة اللي استخدمتيها مباشرة عشان ما تتراكم.


بالنسبة لكلاسات اللغة سواء مع عرب ولا كوريين احسن من ولا حاجة .. حتى لو لغتهم مو قوية ..عالاقل انتي تمارسي اللغة.
انا عندي كم شخص اسولف معاهم ماهم نيتف سبيكرز بس مع ذلك استفدت منهم ولغتي تطورت لأني استخدمها وامارسها.

بالنسبة للغة لا تستعجلي عليها راح تجي مع الوقت ..خصوصا لما تدخلي الجامعة بتتطور بشكل كبييير
بس انتي سوي اللي عليك, يعني افتحي التلفزيون والراديو حتى لو كنتي تغسلي الصحون او تشتغلي بالبيت عالاقل اذنك تتعود عالمفردات .


دام عندك الرغبة والطموح مافي شي صعب
موفقة

لي عودة إن شاء الله مع تجربة مماثلة و شعور متبادل بالنسبة للدراسة ..
بس أفضى شوي إن شاء الله راح أٌقول تجربتي !

وفقكم الله و سهل أموركم ..

هلا أختي ..
موضوعك شدني لأني أعاني بصراحة مع الدراسة .. و عندي أطفال .. الله يحفظهم و زوجي يدرس بعد .. بس أنا مضطرة لأني مبتعثة من جهة عملي ..
طبعاً حياتي ركض بركض من الصباح إلى الصباح الثاني و هكذا ...
و بعدين دوامي من 9 إلى 3 و ربع .. نطلع و نروح ناخذ العيال ما نوصل إلا 4 ...يعني طوييييل مايبقى شي من اليوم .. (أنتو ليش تداومون من 1 إلى 5 ما يعتبر بارت تايم مو فل تايم ؟؟)
أصحى من الفجر الساعة 3 أو 4 و هذا وقت مذاكرتي لمدة من ساعة إلى ساعتين بعدين أجهز ملابس العيال و أغراضهم و أكلهم و حوستهم و أجهز نفسي و الفطور طبعاً لين مانطلع على خير نوصل العيال و نروح المعهد .. بصراحة أحاول أحل بعض الواجبات بالبريك ..
نرجع البيت نرجع العيال أرتب حوستهم أجهز الأكل أكلنا خلصنا أنوم العيال عالساعة 8 أو 9 و أحاول أنام عالساعة 9 أو 10 و هكذا ..

بالنسبة للأكل أشتري أحيانا ردي ميل .. بيتزا - شوربة - مكرونة - سمك - روبيان - يعني أحميه و بس
حتى السلطة يبيعوها مقصوصة بس أحط عليها الصوص ، طبعاً و الكيك و البساكيت و حلى القهوة و السمبوسة و بعض المعجنات كله جاهز
إذا شريت اللحمة أطبخها كلها و أوزعها على علب مع مايها شوي تقريبا 3 علب و أحطها بالفريزر و كل يوم أجي أكب الرز عليها أو أسوي منها مرقة و غيره (طبعا كمية اللحم مو كبيرة بس تكفي 3 إلى 4 أيام )
عادة أطبخ الأحد ل 3 أيام قدام ، تبقى المواعين الله يعافي غسالة الصحون ..
الكوي كل يوم الصباااااااح أكوي .. و الملابس أغسلها أسبوعياً ...
و العيال مساكين أحس إني مقصرة بحقهم شوي بس أحاول أبذل جهدي ..
طبعاً البيت دااااائما حوووووسة بس أرتبه ترتيب كامل يوم السبت ،، و أحيانا ترتيب خفيف بوسط الأسبوع ..
و الحمد لله زوجي يساعدني ببعض الأشياء ..
و أيضاً الحمد لله الله من علي بأخوات هنا رائعات ما قصروا معاي أبداً .. الله يجزاهم خير و يجعله في موازين حسناتهم .. و كلهم ودعونا الله يوفقهم وين ما كانوا ..
بالنسبة للغة .. أحسها تتطور ببطء شدييييييييد .. و الكتابة عندي أحسن من الكلام بمراحل .. لأني بصراحة ما أمارس اللغة كلاماً .. و أنا طول الوقت بالبيت أحوس مع عيالي الله يحفظهم ..
دائماً أحس بخوووف أني ما أقدر أكمل ياما بكيييت من الهم .. و التعب .. بعدين أجدد نيتي و أراجع أهدافي .. و الله كرييييم ..
بالنسبة للأطفال جربت مرة أجيب ناني في البيت و بصرااحة الحمد لله حسيتها أريح بكثيييير ..
أولاً ما أقعد أجهز أغراضهم و ملابسم كل يوم من الصباح .. و لما نرجع البيت أرجع أضف حوستهم .. لا ..
الحمد لله أعلم الناني وين أغراضهم و أكلهم و ملابسهم و هي تقعد معاهم و لما أرجع البيت تقولي شسووا و أيش أكلوا و تخلي لي قوارير البيبي عشان أعرف كم شرب .. و أحيانا تنظف البيت شوي ..
بصراحة عن تجربة حسيتها أريح طبعاً هذا إذا لقيت وحدة ثقة .. أكيد مو أي وحدة تدخل بيتنا .. و هذا هو الصعب بهالموضوع ..
أحاول أكثر من الاستغفار و الدعاء .. لأن تجيني حالات انهااااار خصوصاً إذا صاحوا عيالي الثلاثة الله يحفظهم مع بعض .. و أكبر واحد عندي بيكمل 6 سنوات إن شاء الله ..
الله يبارك لنا في أوقاتنا و في أعمالنا و في عيالنا .. و الله يسخر لنا خلقه .. اللهم آمييييين ..

عفوا لان تاخرت بالرد بصراحة انا نفسي يشوفو حل بالاربع وعشرين ساعة مرة صعب الواحد يتقيد بتلات مشاركات في اربعة وعشرين ساعة لايلحق يرد ولايعلق.. وبصراحة استغربت لما شفت عدد المشاهدات واتنين اللي يردو المهم ماعلينا..
شكرا اخواتي ع تفاعلكم بصراحة انا فعلا اسوي هادا كلو بنفسي مافي مساعدة واذا في يادوب يصرخ في الولد يمسكو شوية ويناديني!! دوامي من وحدة لخمسة كدا نظام المعهد عندي مقسم فترتين مستويات تداوم الصبح ومستويات الظهر من التكدس..
حتى نفسي من جد ادخل هادي الكلاسات بس احس انو في وقتها حاتعلم حارجع البيت مافي تطبيق للاسف وماحد يساعد ع التطبيق احل الواجب جري جري مجرد تأدية واجب ع قولهم.. الله يعين ويساعد مشكورات حبيباتي ربي يسعدكم وين ماكنتم..