افيدوني بتجاربكم في استئجار شقة جديده،،

من رأي تاخذوشقه جديده افضل تكون نظيفه مايحتاج تنظيف ولا بويه وعدد الغرف الشقق 3 غرف وصاله ومطبخ 2 دورت مياه اكثر الشقق كذا موفقه ان شاءالله

الله يسعدك اختي بوح الفكر،،ماقصرتي

حبيبتي انا مثلك ادورر شقه ونفسي بشقه جديده لان ماعمري سكنت جديده لكن الموت الاجارات نااار والشقق موو مستاهله والله شفتلي شقه المطبخ سيب طويل يمكن 3×2وبدولابه جاهز لا لون ولا شكل وهي جديده وسعرها 36 علي ثلاث دفع انا بجده انتي وين يالغلا الله يوفقني ويوفقك .

هلا اختي صابره،،انا من الرياض
ومعاك حق الشقق اسعارها نار بس الواحد يبي الراحه النفسيه على الأقل ويبعد عن مشاكل أهل الزوج والله يصبرنا ويعيننا يارب
واحنا بنضطر على الايجارات الين ربي يفرجها بالبيت الملك بأذن الله

انتي من الرياض تمام ادخلي موقع حراج الالكتروني

دوبي شايفه شقه لا اله الا الله اضاءة و جبسات نظييييييفه جدا سعرها 23

انا كمان بنقل قريب يارب تسهل علينا 

عن نفسي راح اركز على اشياء معينه

راح ادور شقة دور اول او ثاني لاني عانيت من الملحق

شقتي تعتبر ملحق و امووووت حر بالصيف

و الشتاء كذلك لا عوازل ولا يحزنون 

شقة ارضيه لا طبعا لاني بالشرقيه اخاف من الحشرات و الرطوبة

ثاني شي يهمني المستودع او اقلها غرفة غسيل لان خاطري بغساله اوتوماتيك

ارتاح ع الاقل من الغساله العادية

في بالي لو ربي يسر لي 

4 غرف وحدة اخليها مخزن + 2 حمام تكرمي + مطبخ و صاله

في حال ما لقيت 4 غرف بسعر مناسب

بشوف لي 3 غرف + مستودع

الله يوجهكم للخير دوري في حراج و موقع مستعمل

و السوق المفتوح و دوبيزل لو ناسبكم شي

خلي زوجك يراسل صاحب الاعلان و روحو شوفو البيت