افيدوني بنصيحة

تجاهلي كلام الناس ..........رضا الناس غايه لاتدرك . الحياه بدون تجاهل متعبه ولولا النسيان ما عاش الانسان والكلام اللي تسمعيه طنشيه واحتسبي الاجر الامر راح يكون صعب شوي في البدايه ومع الوقت بترتاحي .....قيام الليل فيه سعاده واجر عظيم والانسان بأخلاقه ....وطلب العلم من المهد حتى اللحد

طلب العلم ماله عمر
الله يوفقك

اللي يسمع كلام الناس ويفكر فيه ويتأثر كان سمعتي اغلب المستشفيات حالات نفسيه
وترا مايجرحون من الناس إلا المرضانين نفسيا ومتعنفين لو تفتشين عن حياتهم تلاقين الظغط النفسي عليهم
ويفرغونه على الناس الطيبه مثلك
انتي مسالمه وواضح انك خلوقه وطيبه صفه جدا جميله فيك
لاتتأثيرن ولاتفكرين في كلامهم مو صحيح ولا فيك شئ منه
اقرأي قصص الأشخاص الذين حقّقوا الإنجازات في حياتهم، ومن أكبر الأمثلة على ذلك العالم توماس أديسون الذي واجه الكثير من الكلام، والانتقادات التي لو استمع إليها لكان العالم غارقاً في الظلام إلى الآن

فكري في نفسك واولادك بس وجددي تفكيرك
مثلا خلال شهرين انزل من وزني ٥ كيلو
خصصي ساعتين فقط لنفسك تتفرجي برنامج لقاء مو مسلسلات ❌ كلها تجريح وتنشط تفكيرك

غيري اثاث بيتك مو ضروري تشترين مثلا غيري اماكن الاثاث
ادخلي عالم الطبخ واتعرفي على الجديد من ادوات المطبخ فيه اشياء حلوه وعمليه
اجتمعي مع من تحبين من غير ماتشكين لها ووسعي صدرك واضحكي واستمتعي انتي وياها بمسرحيه فيها من الفكاهه والمرح
خططي لمستقبل ولدك الكبير وابحثي عن عروسه له
فكري في عمله وسكنه وخططي لتجمعين له مبلغ تزوجينه
سوي لك برنامج عنايه خاصه لبشرتك وجسمك تلاقين كثير برامج في النت
صممي لك مكتب صغير وأقراي واستمتعي
خليك دائما بشوشه ومبتسمه حتى مع نفسك
واشياء كثييييييره ممكن تسويها تخلي يومك مزحوم ماتفكري حتى في كلامهم الجارح
وبعد مرور الوقت تحسين انك ندمانه وتقولين ليه انا كنت شايله هم فوق راسي مايستاهل وتافه
انتي انسانه واضح انك طيبه واهم شي لاتضلمين احد وتنامين وانتي مرتاحه
وبكره تذكرك الايام وتقولي ليت كنت اعرف نفسي من زمان نفسك الحلوه المرحه
العمر قدامك هذا الزمن اللي في الخمسين لسى صغيره ويجونك احفاد وانتي صغيره وتلعبين معاهم وتنسين كل شي مع الوقت
دمتي بحبببببب 🌷

يوووووه ي كلام الناس مين سلم منه بس
كلامهم حطيه تحت رجولك ولا عليك منهم
وعمرك مو حاجز بدون طموحاتك مره قريت قصه رجل عمره بالسبعين ومتخرج من الجامعه
بالعكس برافو عليك الى انتبهتي لنفسك
ادرسي وتعلمي مهارات جديد وانبسطي وانسي عمرك لانه مجرد رقم وخساره تضيعين ايام من عمرك بسبب اعذار وهميه دامك استمتعي بكل لحظه تعشينها وخلي الناس اخرهمك اصلا انتي مو مجبوره تعلمينهم اسرارك او اخبارك الناس ترى م تعطي خير الاغلب همه ينتقد