افيدوني بنظام نفاسي صح او غلط

السلام عليكم و رحمة الله وبركاته

مرحبا اخواتي كيفكم
انا الان وقت نفاس لي 12 ولادتي قيصري طبعا جلست 5 ايام في المستشفى ما اخذت شي غير حلب وكمون مره وبديت من اليوم السادس بعلاج النفاس الوالده سوته عباره عن حلب وكمون وحلوه وماش وقرفه ومدري ايش المهم انه هذا المتوارد عندنا وكثير اللي يستخدمونه وامورهم مضبوطه طريقتي اني اقوم تقريبا الساعه 6 اشرب تقريبا نصف الكوب عصير الزبيب اليمني لان الدم نازل عندي مره واخذ قرابة 4 ملاعق صغيره من السفوف مع كوب حليب واكل حبوب الحديد وحبه من زيت كبد الحوت وحبوب زهرة الربيع البرتقاليه(مكملات غذائيه) مع حمض الفوليك وبعدين افطر فطور عادي اما بيض مسلوق مع خبز او خبز وطحينه عشان درة الحليب تزيد والساعه تقريبا عشره اكل رغيف مع زبده بس مو دايم واكل بعده شوي جرجير وبقدونس وجزر وتفاحه يعني اشياء خفيفه بس هذي مع مطبوخه قرابة5 اكواب واذا جت الساعه 2 او 3 اكل مرقوق او مطازيز مع فقع ولوبيا وماش مطبوخات مع بعض بس وانا اكل اشرب مويه غصب واحط معاه فلفل وحبة السمره ما اكثر منها واحيانا استغني عنها لان احس انها تتعبني مره ومعدتي تألمني وبعدها انام بحدود الساعه 4 واقوم 6 او 7 المغرب واتقهوى قهوه عاديه مع تمر وطحينه والعشاء خفيف شوربه او سندوتش كباب يعني مايكون دسم مره واشرب علبة عصير فواكه مشكله وانام بحدود الساعه 12 او 1 بس تقريبا كل يومين ثلاثه اتروش عادي تحت الدش والف لفه على راسي بس مو دايم لان تعرفون الجو حار مره واتحرك ما اجلس وانسدح كثير والاحظ احيانا نزول دم كثير ولونه غامق رغم ان القيصري ماينزل بكثره وارضع طفلي طبيعي قرابة 5 رضعات عشان صحته وسمعت ان الرضاعه تشد الأرحام والبس شراب وسروال طويل بس دايم احس اني انزف نزف عرق مررره بالذات وانا نايمه وعند مكيف بس الهواء مو متوجه علي وافتح باب الغرفه عشان ماتبرد مره ومع كذا اقوم وملابسي احس انها مترطبه ومو من طبيعتي اتعرق كثيروالاحظ ان المنطقه عندي من الداخل زي نغز الابره من جوا ايش السبب وهل هو طبيعي واخاف اني استخدم غسول للمنطقه اللحين عالاقل بعد عشرين يوم انا كتبت هالشي ابيكم تشجعوني عشان اطلع خوش ههههه وايش تنصحوني فيه

وشكرا

اختكم نبع الفرح