افيدوني جزاكم الله خير

السلام عليكم أخواتي الكريمات
انا بحكيلكم قصة اخوي من البدايه وابغى تعطوني رايكم؟
عندي أخ أصغر واحد بالعائله كان مدلل والكل يحبه
بس كانت امي وأختي الكبيره يخافو عليه مره
من لما هو بسادس ابتدائي مايخلوه يطلع الشارع خوفا عليه ومن كثر مايحبوه ويوم كبر شوي بدأ يطلع مع صديق له مقهى أو يتمشى قريب للبيت
أو يوقف عند باب البيت كان اخوي الكبير يهاوشه ويدخله البيت خوفا عليه من عيال الحرام ويوم انه أصغر واحد حرص عليه زياده
تعود الولد ع البيت كان يجي عندنا البنات يزعجنا ويطفشنا ونهاوشة مانتحمل إزعاج وهو من الطفش مايلقى وش يسوي وإخوانه الباقين لاهين بانفسهم واصحابهم ولاهمهم أخوهم
بعد فتره تزوجت وحده من البنات وجابت بنت
فكان كل محاط الانظار عليها والكل يحبها فحسينا انو يغار مع أنه مره يحبها كان يجي يبكيها ونهاوشه وأحيانا امي تضربه
وطبعا في شيء أن اخواني دايم يقللو من شانه وانت وانت وأمي احيانا تقارن بينه وبين عيال الناس فاجته فتره يتأتىء بالكلام وفيه زي الخوف
امي كانت تحاول ماتزعله تعطيه مصروف يومي يعني من 2 ل3 يشتري اذا بنفسه شي طبعا هي قليل بس كان راضي ابوي كان دايم يقول لأمي لاتعطيه كذا يتعود..أمي تحبه حب جنوني ماتقدر ماتعطيه لو طلب اي شي تجيبه بس مو لدرجة دلع زي الشباب وكل شي متوفر له يعني مصاريف يوميه بس والملابس نادر
المهم بعد فتره توفى الوالد الله يرحمه
هو مدري أنصدم أو ايش حصل كان يوميا يتكلم عن ابوي وأي كان يقول بس مايبكي ابد
صار يحبس نفسه بالغرفة مايطلع إلا وقت الأكل
ونقلنا بعدها لبيت ابوي اللي ورثناه بعد وفاته كان عباره عن دور و شقق دور لأمي والبنات والشقق لإخواني الثلاثه اكب منه وهو ماله إلا غرفه تحت معانا
وكان بين فتره وفتره يجي يقول لأمي اعطيني مصروف واذا ماعطته سوى مشكله
وضربته وع هالحال يوميا
ويقول ماتعطوني شقه زي اخواني
ويطالب بكذا شي
المهم جا يوم مرض وراح لامي نايم عندها إلا فجأه يبكي بالصوت يتذكر ابوي الله يرحمه
عرفنا انه متأثر ع وفاته بس ماب اليد حيلة ايش نسوي
يجي بعد فتره المشاكل تزيد وبين فتره وفترة يجي لأمي يقول انتي سبب موت ابوي أو مثلا يهددها انه بيضربها وتضربه ولا في فايده الضرب ولالكلام نفع معه تعبت منه يوميا مشاكل
كره إخوانه لدرجة يتحرش فيهم عشان يضاربهم وفي الآخر ينضرب ويتجرح وهو ضعيف كله كلام
اخواني كرهوه وهو كارههم مره
مايطيق يشوفهم
صار غريب الولد يجي لأمي في الصباح يحضنها ويبوسها وهو يحبها موت وفجاه يضحك معها وفجأة يقلب عليها ويقول لها بسوي سريرك مقبرة لك وكلام أقوى من كذا
هو ضعيف لدرجة أنه يتكلم والآخر ينضرب ويست يومين ويرجع
وع هالحال
بعدين قام يطالب بحقه ويعمل مشاكل فالي ماتبي تظلمه يكفي 4 سنين وهو بغرفة
تبغى ترتاح من المشاكل تعبت
عرضت البيت للبيع وقالت له تأخذ حقك وتطلع من عندنا ولانشوفك
بعناا البيت طلعنا منه أخذ حقه وراح وكان يحاول يجي عندنا ونصده
أخذ فلوس لعب فيها والآن له شهرين قرب يطفر
وهو ماعنده اصحاب ولاشغل ولايعرف أي شي خارج البيت
الآن هو مطرود وإخوانه كلهم مخاصمينه واحنا البنات بين فتره وفترة يكلمنا
أمي حضرته لايكلمها ولايرسلها نهائيا
طلعنا ببيت ولاعلمناه وين
وفجأة جا لأن اختي ارسلت الموقع له
اخوي الكبير شافه قال وش جابك بعد مابعنا البيت
وزوجات اخواني كل من يتافف من جهه ودخل وهو منزل وجهه في الأرض راح لأمي حضنها وبوسها ونزل ع طول ولنا الان شهر ماشفناه ولاجا
اخواني يحاسبون امي ليه تدخله عندها والمفروض تقاطعه
امي تسكتهم أن لو تعدل وصار رجال بترجعه
غصب عنهم
المهم أن الولد الآن بشقة مفروشة مايشتغل
وان حد نصحهه يزعل
وصعب يلاقي شغل لأن ماشتغل قبل كذا
عمره 22 سنه وحياته كئيبة والكل ضده
صار شاذ وطلع من عند امي اللي كانت تشوفه عيونها
والآن امي خايفة عليه واحنا من الشوراع وعيال الشوارع
وأمي تبيه يحس نبيه يتبهذل عشان يكون رجال وقد نفسه مايحتاج أحد
وبس رأيكم بكل هذا والله راحمته لأن مايعرف شي بهالحياه كان طلع من البيضة
وأمي تبين أنها عادي وقلبها محروق عليه
ايش الحل معاه وهل هو ع حق ام لا
وهل الشارع بيربيه أن شاءالله أن ربي يحميه ويهدي وسلام...