افيدوني عن المدارس الاهليه

السلام عليكم اخباركم بنات حواء

ودي ادخل بالنموضوع على طول واللي فاهمه تدلني الله يرزقها الجنه

انا سجلت اطفالي بمدرسه اهليه تمهيدي وحبيت انهم يستمرون والمدرسه جدا رسومهم غاليه بالترم الاول دفعت 8الاف ريال واطفالي هالترم مدري شفيهم متغيرين مايبون الدراسه وعذبوني الصبح اذا صحيتهم يبكون بكاء مو طبيعي وكلمت المديره اني بطلعهم وابي تعطيني شهاده على الترم الاول فقط مع اني دفعت نصف الرسوم للترم الثاني 4000 وباقي 3 الاف ورفضت تعطيني الشهاده الا بالرسوم المتبقيه انا عيالي مابيكملون هالترم وقالت باقي 4 اسابيع على نهاية دراستهم وحسيت بنصب واحتيال حسبي الله عليهم انا كل اللي ابيه شهاده للترم الاول بس والفلوس الي خذوها الترم الثاني بذمتهم الله لايسامحهم فيها

والله ابي وحده تعلمني هل هذا نظام بكل المدارس الاهليه اني اعطيهم فلوس اشتري الشهاده حتى لو ماكملو وش هالظلم اتمنى لاتحذفون موضوعي لان ضروري افهم واحد يفيدني وانتم بايش تنصحوني ؟؟؟؟