افيدوني عن حالة ولدي

السلام عليكم ورحمة الله وبركاته


انا حابه استفسر عن حالة ولدي واللي عندها ولد زي حالته تحكي لي وش قالولها الاطباء
انا ولدي قبل سنه وشهرين طاح طيحه قويه على راسه وبكى وماعاد تنفس ووبعدين فقد وعيه طبعا وديته المستشفى قالو مافيه شي مادام انه مااستفرغ وطلعنا انا تطمنت وبعدها باسبوعين طاح طيحه بسيطه على راسه وجته نفس الحاله وصارت تتكرر عليه بين فتره وفتره يعني احيانا ماطاح بس اذا زعل من شي او احد خاصمه


بعدين وديناه مستشفى ابها الخاص عند طبيب المخ والعصاب وسواله اشعه مقطعيه واشعة الرنين المغناطيسي وتخطيط للمخ وبعدين قال لنا ان عنده شحنات زايده على المخ وعطانا علاج نستمر عليه وطبعا حنا كنا مسجلين له موعد في المستشفى العسكري ولمن جاء موعده رحنا لهم قال الدكتور هذي حاله طبيعيه تجي عند الاطفال من سن سنه الى سن خمس سنوات الطفل تكون عنده حالة غضب شديده لااراديا ومالها علاج وقلنا له عن الكلام اللي قال لنا الدكتور اللي في مستشفى ابها الخاص قالنا هم كذابين بس يبون فلوس والعلاج اللي عطوك اياه اقطعيه لانه خطير عليه وبعدين صارت تتكرر عليه الحاله باستمرار الان عمره سنتين صار اذا بكى ينقطع نفسه ويسود وجهه ويغمى عليه ويطلع زي الزبد من فمه تقريبا نص دقيقه وبعدين اذا صحي يكون هادي وبس يبي ينام وانا خايفه عليه بالمره اخاف يوم ينقطع نفسه وماعاد يرجع له لاسمح الله او يتاثر مخه لان نقص الاوكسجين يسبب تلف لخلايا المخ وانا مستغربه شلون ذا الحاله مالها علاج تكفون من اللي تعرف احد نفس حالته وش ممكن يبعدها



وجزاكم الله خير الجزاء