افيدوني في الالحاق بالبعثة أموري متوقفة على هذا الموضوع

هلا أختي ..

الله يوفقك و يسهل أمرك ...

بالنسبة لأخوك المرافق راح يدرس لغة معاك و هذا أكيد إن شاء الله .. جيبي قبول للمعهد أنت و ياه .. و لما تفتحون الملف بالملحقية يعطونكم ضمان مالي للمعهد اثنينكم ..

ثم بالنسبة لدراسة الجامعة بصراحة ماعندي تجربة لكن لازم يجيب قبول غير مشروط من الجامعة و الظاهر بعد لازم يكون ممتحن الآيلس .. هذا للدراسات العليا .. البكالوريس ماعندي خبرة بهالموضوع ..

و بالنسبة لمدة الدراسة صح كلامك .. تنتهي مدة دراسة المرافق بنهاية دراسة المبتعث الأصلي إلا إذا كان مكمل 75% من دراسته .. أو أنه ينفصل عنك ..

و يستطيع المرافق أن يدرس اللغة بفيزا المرافق لكن لا يستطيع دراسة الجامعة إلا بفيزا طالب .. هذا بالنسبة لبريطانيا ..

غير أن معظم الجامعات السعودية الآن أوقفت الابتعاث لبريطانيا ..

و دائماً يفضل أنك تتأكدين من قسم الابتعاث إلي عندكم بالجامعة ,,

موفقييين ..

هلا أختي أم أحلى بدر
يعطيكي الف عافية على المعلومات بالنسبة للجامعة كلمت العميدحق كليتي عن بريطانيا قال خلاص جيبي قبول واعطيك التفرغ
عادي بيعطوني لبريطانيا
بس زي ماقلت انا محتاره علشان اخوي

اختى قطف الندى ,,
الحين انت بتروحين بعثة تبع الجامعة ,, اذا ناوية بريطانيا بيعطونك سنتين ( سنة لغة وسنة ماستر)
اذا امريكا سنة لغة وسنتين ماستر ,, حلو
اخوك بيروح معك مرافق ماراح يلحق بالبعثة الا اذا خلص اللغة ,,
واللغة راح يخلصها بسنة ,, يعني راحت سنة من بعثتك بعدين يبحث عن قبول بكالوريس ولقى قبول
راح اقول لك راح يكون الحاااقه جدا صعب ,, ليه ؟
لان انت بعثتك بقى لك فيها سنة ,, وهو يحتاج 4 سنوات فماراح يوافقون !
الشــي الثاني ان حصل ووافقواعلى الحاقة ااذا انت خلصتي ولا طلبتي ترقية بعثة دكتوراة وبغيتي ترجعين راح تقطع
بعثته تبعا لك ,, وفيه خطوة فصل البعثة بعد ماتقفلين ملفك ,, لكن لازم يصير مخلص 75% بالمية من دراسته وطبعا شــي مستحيل يخلص بسنة 3 ارباع دراسته
طبعا كل هالمعلومات من خبرتي وانا الحين امر بهالوضع زوجي خلص وانا بعثتي مرتبطة فيه ومستقعدين لي مع انه مابقى الا ساعتين :(
بس الله يسهل يااارب
ويوفقك ,,, الي انصحك فيه انه وانت في السنة الثانية من البعثة تطلبين ترقية دكتوراة بهالحالة اخوك راح يلحقونه بالبعثة
وبالتوفيق

بالنسبة لبريطانيا امر الالحاق صعب
فانت فكري بامريكا او كندا هي اللي مازال الالحاق فيها سهل

مشكورة اختي ايلااااف والله يسهل لك وعندي استفسار كم استغرقت فترة الحاقك اقصد هل دفعتي انتي الرسوم ثم الحقوك ولا على طول جبتي القبول وتم الحاقك وكم المدة وهل يقدر قبل مايخلص اللغة ومعه قبول جامعه يحصل على الالحاق لان بصراحه هالموضوع مرررره متعبني

ياليت الاخوات اللي عندهم خبرة او تجربة بالالحاق تفيدني لاني من جد مررره متعطلة ابي اختار دولة يقدر اخوي يلحق فيها بريطانيا خلاص ماراح اقدم عليها