للرفع
مافي احد يعرف عموما جزاكم الله خير منتو مجبورين تجاوبوني

لا تروحي لمحامي ولا شي المحامي للطلاق مو للخلع

الخلع تروحي المحكمة يعطوكي ورقة تعبيها فيها معلوماتك ومعلوماته وسبب طلب الخلع اكتبي انك كارهته ومستعدة لارجاع مهره ويعطوكي موعد ويرسلوله مندوب المحكمة يعطيه البلاغ والموعد وتلتقون عند الشيخ واذا فلوسك جاهزة ينتهي موضوعك على طول

في العادة الموعد بعد اكثر من شهر على اساس يعطوا فرصة اذا الوحدة بتراجع نفسها

طيب انا ابويا ماراح يجي معايا لانو اساسا مو راضي يمكن امي واخويا
طيب وادا ماحضر الجلسه ايش راح سوي لانو هوا هددني وقال خليها تجلس للمحاكم شكلو هدا لعبتو
الله يخليكم ساعدوني انا ماابغا الموضوع يطوول انا كارهتوو
وغير كدا انا من جده وهوا من منطقه في الحنوب عادي توصلو ولا كيف داخل الله ثم عليكم لا تتركوني

احنا مانعرف ايش المشكلة لكن هو يقولك انا بعلقك واتزوج عليك بس يبغى يقهرك لان حس انة رجولتة انهانت وكرامتة انجرحت اذا كنت تقابلينة يعني عندكم عادي فخذية باالسياسة والحيلة وانت امراءة المفروض تعرفين متى يشتغل دهاء المراءة وذكائها وصدقيني المحاكم ماوراها غير وجع الراس
وحدة عندنا سوت عناد وقال بتحل المشكلة في المحكمة تعرفين ايش صار لها
علقها سبع سنوات وخلصت ورجع علقها سبع سنوات ثانية وكل اللي حولها ماساعدوها وضاع عمرها
عشان كذا خلي واحد عاقل في العائلة يحلها ودي بينكم ويصير الطلاق بشكل طبيعي بدون احقاد اذا تعذرت الحياة بينكم

طيب كيف انا جيتوه بالسياسيه وقولتله نحنا ماننفع للبعض وانت تستاهل احسن مني ونحنا مااتفقنا والدنيا ماوقفت ع احد يطنشي هدا النوع يبغالو القوه السياسيه ماتجي معاه انا مستعده اسوي المستحيل حتى لو اوكل محامي عادي ولا اجلس على ذمه واحد مايخاف الله وان شالله الوضع مايطول بس المصيبه انا لحالي محد معايا لوحدي هدا كلو هدا اللي قاهرني ومكسر جدوفي
حمدالله ع كل حال