السلام عليكم ورحمة الله وبركاته
الله يبلغنا واياكم ليلة القدر وقد استجيب لنا وغفر لنا وكتبنا من العتقاء << قولوا آمين
انا حابه اللي عندها معرفه واطلاع او قد مر عليها احد نفس حالتي تفيدني ,
انا مابي افضفض,, انا ابي حل
انا موظفه والحمدلله وماعندي مشكله في مجتمع العمل لما اتكلم مع الموظفات والزميلات, صح ماني جريئه حيل مثلهم, لكن راضيه عن وضعي بشكل عام. اسولف بحدود واعلق بحدود ولي هيبه, يعني مو من النوع اللي طايحه مزح وتعليق مع اي احد.
لكن الغريب اني لما تجي الاجازه وانقطع عن الناس واطول بالبيت, وقت اطلع يجيني خوف
مثال عشان تفهون علي: اول الاجازه سافرنا , ومن بعدها ماطلعت ابد الا مره للمستوصف , و اليوم طلعت للصيدليه مع اخوي, وانا بالسياره حسيت مرره ارجف ومتوتره واعرق ومو قادره اتحكم بتنفسي,ويجيني خفقان, واحس اني خايفه ودي اني ماطلعت,واقعد اقرا آية الكرسي, ودي لو اخوي ينزل معي بس هو يرفض, فانزل لحالي.ولو ابي اسال عن شي احس صوتي مايبين يختفي, وساعات فيه رجفه.
حتى المسجد كثيررر ودي اروح اصلي التراويح و القيام بس لان ماحد يجي معي فاخاف واصير ارجف . مو خوف من انه يصير لي شي, لكن خوف من مواجهة الناس.مع اني مارح اتكلم مع احد. بس مادري وش الوضع صراحه اللي فيني.
هالحاله معي دايم لما اطول ما اطلع من البيت.
والشي هذا يصير معي اكثر لما اروح مكان مو متعوده عليه ولا عارفته, يعني اماكن عامه ومفتوحه وفيها رجال .
ايام الدوام لما اطلع مايجيني هالشي بس زي ماذكرت وقت لما اطول جالسه بالبيت.
للمعلوميه انا ماعندي صديقات خارج العمل وكلها علاقات زماله تنتهي بانتهاء فترة العمل.
هل هذا رهاب اجتماعي والا ايش؟؟
وايش الحل؟؟
atoora @atoora
محررة
يلزم عليك تسجيل الدخول أولًا لكتابة تعليق.
latme
•
انتي قلت علاجك بنفسك لماتطولين تجيك الحاله لاتطولين جلسه بالبيت اطلعي باستمرار وخالطي الناس اشوي اشوي تروح هالحاله ودامك موظفه ماظنتي هذا رهاب اجتماعي لانك تطلعين فعالجي نفسك بكثره الخررج روحي ممشي اومجمعات اواقارب خلي لك طلعات مستمره ودامك تتغيرين بالاجازات سوي لك برامج بالاجازه اشتركي بنادي صحي مو شرط تخففين وزن لوابس تشوفي الناس وتختلطي فيهم والطبيب النفسي ماعنده الاحبوب اوعلاج سلوكي بيقولك نفس اللي قلت لك ومافيك الاالعافيه بس هذاالشيطان بيكدر عليس اطلعي وروحي
Um__0
•
حتى انا تجيني هذه الحالة واتوقع مو رهاب اجتماعي مع اني مو موظفة لكن لما اروح اماكن عامة زي مراجعة مستسفى اتكلم مع الناس مااعرفهم بس هذه الحالة تجيني لما اروح زواجات او مناسبات احس لساني مربوط وساكته وماني عارفة كيف اتكلم مدري ليش في مناسبات تجيني
الصفحة الأخيرة
انا لو اقدر اكلم اخصائي كان كلمت
بس ماعندي ارقام , واحس الاخصائيين سالفتهم تطول ولازم حبوب, انا مابي اخذ حبوب. ابي اعالج هالشي من نفسي وبشخصيتي