افيدووني عن عملية الليزك افادكم الله

والله ياعزيزتي انا اعرف وحده سوتها وتمدحها

تقول اول شي يسوون فحوصات لعينك يشوفون اذا هي مناسبه او لا

بعدين اذا صار كل شي تمام يحددون لك يوم تجين فيه للعمليه

واذا جيتيهم لبسوك لبس معقم خاص بالعمليه ودخلوك لغرفه العمليات
بعدين يثبتون رموشك علشان ماتغمضين ثم يمررون ضوء الليزك على عينك الاولى ثم الثانيه يعني السالفه ماتاخذ عشر دقايق

بعدها تلبسين نظاره شمسيه وتطلعين وياحبذا تجلسين في مكان معتم شوي
ويعطونك قطرات مرطبه وقطرات ثانيه لمدة اشهر

ولا تكحلين عيونك لمدة شهر او عشرين يوم وكذلك الصابون لايجي عينك حتى الشامبو حاولي تخلينه مايجي لفتره معينه بعدين كل شي بيصير عادي
والسعر هي سوتها بعشر الاف بس يقولون الحين اقل تكلفه
اتمنى اني افدتك

انا سويتها والحمد لله تمام
وما شاء الله الاخت محد يحبني كفت ووفت
واي سؤال انا في الخدمه
وسويتها عند الدكتور عثمان العمر

الاخت محد يحبني كفت ووفت بالاغلبية

بس احب اقولك شي ثاني انه من اهم الامور كمان عدم دعك العين او حكها بقوه لانها تكون حساسه جدا وهذا اللي قاله الدكتور لامي واختي

امي واختي سووها لما راحوا لبنان كانوا ناويين يسووها بالاردن بس اكثر من احد مدحهم لهم طبيب كبير في السن ودايم يسافر بلاد بره يطور نفسه بكل جديد وعيادته فيها باليوم كثير ناس يسوون نفس العملية يعني شغال من الصبح إلى المساء متواصل وما شاء الله الكل يمدح فيه

بعدين اذا كنتي تلبسين عدسات لازم تشيليهم قبل فترة من عمل العملية عشان عيونك ترجع لطبيعتها لانه العدسات تاثر مثل ما هو معروف على العين لازم تكون مرتاحه يعني تشيليها مو اقل من اسبوعين وبعض الدكاترة يقولون لازم شهر تنشال العدسة قبل العملية

وطبعا في عيون ينفع عليها العملية وعيون لا وحسب الانحراف وحسب درجة جفاف العين

في ناس عيونها جافه كثير بسبب الغدة عندهم نشفان
وفي ناس عيونهم دايما وهم نايمين تحصلينها مفتوحه شوي يعني ما تسكر جفونهم كليا نوم الغزلان بعضهم مو كلهم ما تنفع لهم العمليةبسبب جفاف عينهم

خالتي عندها جفاف قوي وسوت العملية والدكتور قالها ما ينفع بتتعرضين لجفاف قوي بعيونك اكثر من الحالي قالت له ابغي اسويها المهم النظر وطبعا على مسؤوليتها وسوتها وصارلها تقريبا ثلاث سنوات وتقول انه يا ليتني سمعت كلام الدكتور صح النظر رجع 100% بس نشفان مو طبيعي وإلى الان تستخدم قطرات ترطيب لعيونها بالليل وبالنهار :)


اما اختي وامي سووها بلبنان بالصيف هالسنه صارلهم كم شهر يعني عند الدكتور اللي قلت لك عنه وسووها بسعر 6000 ريال بس هو اشهر واشطر واحد مدحوه لاهلي وفاهم مره وامي واختي الحين مرتاحين مره ويستخدمون القطره لمدة شهرين وان شاء الله مافي اي اثار جانبية لها مع المدى الطويل


انا عني اخاف من هالعملية لاني اخاف من العيون رغم انه الكل يقولي خلاص صارت عادية ومافي منها مشاكل بس اتم خايفه رغم اني اشوف اختي وامي ارتاحوا بس بنتظر عليهم سنتين ثلاثة واشوف اذا مافي نتايج سلبيه اسويها عند نفس الدكتور اللي سووا عنده

وبالاردن بعد شاطرين مره ورخيصين بـ 3000 ريال


هذا كل شي اعرفه واذا بغيتي اي استفسار عن الدكتور اللي بلبنان انا حاضره

اهم شي شطارة الدكتوووووووووووور لانه اذا مو شاطر هنا تكون المشكله

انا كمان عملتها والحمد لله ارتحت من النضارة بس اختي عملتها و المشكلة بعد سنة
نظرها ضعف تقريبا درجتين بس طبعا أهون من أول
احب اقولك انه خلال العملية رح تشمي ريحة زي ريحة الحرق ( يعني لحمة تنحرق)
وكمان في لحظة بسم الله تضلم الدنيا عليكي تسير سودة كأنك انعميتي :eek: (سلامتك)
انت احسن انك تطلبي من الدكتور انه يقولك اش بيعمل خطوة خطوة يعني مثلا الآن نعقم العين وتحين بنغسلها .... عشان تكوني متهيئة