اقتراحاتكم بموضوع مصيييري

سلام عليكم ،اغيب وانقطع عن هذا المنتدى الجميل ومهما غبت لفترة ارجع لما أحتاج مشورة خواتي اللي هنا ....
والله اني اعدكم مثل خواتي جيتكم وكلي رجا ألقى عندكم حل
بنات انا سالفتي سالفة طويلة ومعقد وصعبة عارفة احتمال ما القى حل جذري للمشكلة لاكن لعلي ألقى اقتراح يكون سبب في حل المشكلة،
أولا اعرفكم
علي
اختكم قبيلية عمري ٢٩ سنة خلاص ع مشارف ال ٣٠ ، مُنى قلبي اتزوج من خارج القبيلة ورغبة قوية وجامحة مالي أي يد فيها ولا اقول مستحييل تتغير ولاكن من الصعب لأن من وانا عمري ١٨ وهذه رغبتي والى الآن ولحد يلومني شيء مالي يد فيه يشهد الله وغصبن عني.

من ٣ سنين صرت استقبل الخطاب وفيه من معارفي ولاكن ارفضهم رفض قاطع لرغبتي هذة وارجع اقول لحد يلومني شي ماهو بيدي ومتأكدة لو بوافق بكون ظلمت نفسي وظلمت الشخص اللي معي وانا ما ارضى هالشيء ابدا لا علي ولا على غيري ،مستحيل بعد كذا اهنأ بحياتي وإن قلتم تنازلي ف انا ادرى بنفسي يابنات الموضوع صعب علي والموضوع مصيري وفيه مغامرة ويعود علي بخساير وعلى الطرف الثاني .
انا ما اشوف نفسي الا بالزواج من برى القبيلة فقط ، وسبق وحصلت خطوبتين من برى القبيلة وكانوا اهلي ضدها ضدها ضدها بحكم البعد وقبيلة ثانية و مانعرف عن الخاطب أي شيء ويتكلمون ويحسسوني كأن مافي حل ابدا !!!! كأن مافيه شيء اسمه استخاره وتوكل ع الله وعمل بالأسباب بالسؤال ، ولا يتنازلون ابدا ...وينتظروني اتنازل انا واوافق ع القريب او اللي من المعارف،بالرغم وضحت رغبتي مالي يد فيها ولا بظلم نفسي ابدا وأعيش حياتي بنكد عشان اسم زواج من اقارب او معارف انا الخاسرة فيها والطرف الآخر كمان، وش الفايدة ؛
وياما وضحت لأهلي اللي يتنازل انتم لاني صاحبة الشأن وانا اللي لو عاكست رغبتي انظلمت

خلال سنتين خطوبتين وهاذي المرة الثالثة من شهر وانا بموت غبن لما اشوفهم يعارضوني ويقفلون و ألموضوع مع العلم الخاطب من طرف صاحبتي وقبيلي مثلي ومن أهل الجنوب مثلي كمان، الشيء اللي فقط بيوافقون عليه في حال كان من برى ألقبيلة انه لو كان صاحب اخواني ولهم فترة شهور او سنه واكثر من المعرفة معه .
الخاطب يحمل جميع مواصفاتي المطلوبة ؛ مثل ما أتمنى وأكثر ويكفيني انه حافظ للقرآن من هو صغير وهالشي اللي مخليه ماشاءالله حافظ نفسه من الحرام والمنكرات وذوا اخلاق رفيعه ودين إضافة اللي باقي المواصفات الرائعة
له الرغبه في خطبتي ومستعد ينتظر لحد يوافقون اهلي ... وانا ذكرت لأهل الخاطب فقط يوفقوان اهلي في حال كان صاحب لأحد من اخواني او له معرفه معهم ولو لكم شهر أو سنه


ما بطلب منكم افكار اقنعهم فيها لأن خلاص ميؤوس منهم اقسم بالله سنتين و٣ خطاب وهم يرفضون لسبي البعد واختلاف القبيله

ابغا اقتراحات كيف ممكن اخليه يتعرف ع اهلي او اخواني بطريقه معينه لحتى يقتنعون فيه غصب ولو اخذ منا الموضوع شهور المهم يتم ارجوكم فكروا معي ساعدوني بنات..
معكم وحده الآن منهارة نفسيتها لاني خلاص اشوفني احتاج الزواج نفسيا جسديا عاطفيا ... تكفون ولحد يحاول يقنعني بالقريب والمعارف ارجوكم مالي رغبه فيهم ويكفي من عمري ١٨ سنه إلى الآن ماتغيرت هاذي الرغبه بشيء لذا ابغا فقط اقتراحات كيف يتعرف مع اهلي واخواني...بعد كم شهر نطبقها مش الحين اكيد...
عشان لا ينشك في وضعنا..
لاكن المهم ألقى حل حتى وإن اخذ ألموضوع شهور ولا حتى سنه😭!