اقتراحاتكم في الغسيل بأسرع وقت ممكن؟؟؟

ياهلا ام ميثا
حاولت اكتب لك طريقه لكن ماقدرت لانه كل ربة بيت تعرف اللي يناسبها اكثر
وغسيلكم في اشياء كثيره لازم تغسل لوحدها ملابس زوجك مثلا وملابسك انت
و ملابس اطفالك يمكن الجمع بينها الابيض لوحده والملون لوحده وهكذا
اعتذر لك ان شاء الله غيري يفيدك
تحيتي لك

انا مافهمت ليش الغسيل يومي عشان اقدر ارد

جتى
ألف شكر لج علأقل ما كسرتي بخاطري


ام صن
عشان ماعندي وقت في الصبح ما أفضى إلا قبل ما يوعون العيال يعني قولي سااعتين وبعدها أهد كل اللي في إيدي وأجابلهم فالغسيل لو شوي بخلص بسرعه لكن لو جمعته بيتراكم وأنا ماعندي وقت

بسيطة اذا كانت ملابس اطفالك لاتبالغي بغسلها يعني غسلتين على السريع لانهم يبدلوا ملابسهم يوميا اكيد يعني شوية تايد على شوية كلوركس ملون بالغسلة الاولى
والغسلة الثانية كلوركس ملون بس والغسلة ماتكون طويلة انا كذا اسوي مع ولدي
والله ملابسة اطلعها من الدولاب ريحتها تخبل وغسلتها سريعة
اما بالنسبة لملابسك وملابس زوجك الله يعينك عليها كلنا في الهوا سوا

ام صن
مشكورة ما قصرتي :)




أنا بغيت طريقة تضمن لي أخلص بسرعه يعني مثلاً أغسل الملابس بالصابون طبعاً كل فرد على حدة يعني ملابس زوجي أولاً لأنها تحتاج نظافة أكثر وكلور ثم أطلع ثيابه وأحط ثيابي الداخلية وثياب الأولاد البيضاء وأغسلهم بنفس الماي والصابون وبعدين أتخلص من الماي اللي فيه الكلور وأحط ماي فيه صابون بدون كلور للملابس الملونه لي أنا والأطفال...
أخيراً أطلع الثياب وأتخلص من الماي والصابون وأعبي الغسالة ماي نظيف للشطف وأشطف أول الملابس البيضاء جميعاً مرة وحدة (ملابس زوجي وملابسي الداخلية وملابس العيال البيضاء) بعدين أطلعهم وأنشفهم وأحط في نفس ماي الشطف ملابسنا الملونه مع بعض جميعها

يعني بدال ما يضيع وقتي وأنا أعبي وأصرف الماء علماً بأن الملابس قليلة حرام هدر الماء وأهم من ذلك الوقت




إذا عندكم طريقة أسرع اسعفوني فيها