اقتراحات هدية مناسبة للرجل الخليجي

بسم الله الرحمن الرحيم 
السلام عليكم ورحمة الله وبركاته 




اقتراح لهدية مناسبة للرجل الخليجي 




العطور ملينا منهم وهي اسهل هدية تقدم لاي شخص حتى الاطفال . 




بما ان زوجي غير محب للرياضة .. يعني مااقدر اشتري له لبس سبورت او بدلات . 




اشتري له اشياء تعتبر هدية ويستفيد منها 




قطعة خام فاخرة رجالية لتفصال الثوب ( الدشداشة ) 




شماغ فاخر نوعية انجليزية ( البسام ) ( بروجيه ) 




نظارة شمسية او ساعة ماركة او قلم وبوك مناسب ( تراهم يستانسون على هذه الشغلات ) 




تكرمون حذاء ماركة ممتازة ومريح او نعال تميمة . 




اكسسوارات الرجل 




كبك .. مسباح .. ميدالية للمفاتيح . 




في شي مهم وينفع ويؤثر بنسبة 45٪ من قيمة الهدية ( رسالة تكتبينها بخط ايدك كلها كلام حب باللهجة العامية لا تكتبين من النت عبري بكلامك باحاسيسك ) ترا اللي يطلع من القلب هو اللي. وقع خاص في قلب الحبيب .. محفوظة بظرف مكتوب عليه الى حبيبي فلان باسمه . 
ومافي مشكلة بيتين شعر نبطي >> استرسلت خخخخ 




صدق صدق الرسالة بخط اليد لها وقع في القلب اكثر من رسايل الواتس والجوال عامة . 




ملاحظة : 
الهدية مو شرط كل سنة مرة وحدة بس  .. الهدية لتليين الطرفين في حالة السراء اشتري اكثر من مرة ونوعي بالهدايا ( تراه هو اغلى ما تملكين ) اختبارك من بين البنات عشان تكونين زوجته




 .. في كل مناسبة اهدي هدية مناسبة لزوجك 




ليلة عيد الفطر والاضحى تهدينه ساعة او مظارة شميسية ار بوك وقلم وكبك يكشخ فيها بالعيد 
او قبل العيد بفترة تهدينه قطعة خام رجالية او شماغ  




مناسبة رمضان اهدي له هدية (( تورتة للسهرة بعد الفطور بعد الفطور طبعا خخخخ )) 




اذا عندك عيال اخذي رايهم خلي كل واحد يشتري لابوه هدية مو شرط قيمة الهدية او شكلها الاهم القيمة المعنوية لها 



واترك المجال لكم واقتراحاتكم اذا احد بيضيف