اقتراحي لزوجي وردة فعله!!!>> مُــــعدل

السلام عليكم ياحلوات حواء
اولا بعطيكم نبذه بسيطه عن زوجي الحبوب:02: هو طيوب لكن فيه طبيعه للاسف ماهي حلوه
والي هي (الفشخره بعفاشه)بمعنى ان لو شاف احد سوى شئ لابد وحتما يسوي احسن منه حتى لو هذا الشئ مو حلو ولازم يشتري الاغلى حتى لو كان ما اله داعي المهم الناس يقولوا فلان سوى وعمل واحيان يكون الشئ نفسه في مكان ثاني ارخص يرفض يشتريه ويرجع للاغلى ايمان منه بالمثل القائل الرخيص نغيص وصدقوني لو كان هذا الشئ بذوق كنت فرحت لكن للاسف الذوق عنده:01::01:.
المهم قرر يغير مجلس الرجال
وغيره وللاسف اختياره للمجلس فاشل وتنسيقه افشل والي خلى قروني تطلع(تعبير مجازي لان ماعندي قرون)قرر فجاه يشتري 12 علبة مناديل مع سلاتها في البدايه ظنيته يمزح لكن معالم الجد مرتسمه على محايه
في البدايه ضحكت وفهمته انه بيكون المجلس اشبه بمحل يابلاش(محل لبيع اشياء منزليه)وجف ريقي وهو راكب راسه لمن عجزت ارسلت على اخوه الي اقنعه وبطلوع الروح يشتري 4 فقط .
نجي ذحين لعلاقه زوجي الحبوب بالصحابه واصبروا لاتملوا لان الى الان اضحك عى الموقف
طلبت منه فلوس حتى نشتري كسوه للعيد في البدايه سكت وبعدين وبكل ثقه قالي ايش رايك الفلوس حق الكسوه نتصدق فيها على ناس مساكين واحنا شهر كريم:a_smil17: واعطاني محاضره طووووووووووووووويله عن الصحابه وانهم ياثرون بعضهم البعض وانهم كانوا عايشين حياتهم ببساطه وان الملابس الجديده مظاهر فارغه
.في ذلك الوقت ضحكت ونمت على اساس ثاني يوم باخذ الفلوس وبروح السوق الا وشوفه مصمم على المبداء
وقام يعطيني خيارات لمين بنعطي الفلوس.انا اعطيته على قد عقله.واخذت بطاقه الصراف المشتركه بيني وبينه ورحت اشتريت الكسوه (رحت السوق مع اهلي باذنه) ولمن رجعت لميت السلال وعلب المناديل وكل الاكسسوار الموجود في مجلس الرجال ولولا اني ماقدرت افك الثريات كان فكيتها ولميتها كلها ورفعتها في المخزن ولمن رجع البيت قلتله خلاص انا تصدقت .هو طبعا فرح وبعد قليل رحت جبت الكسوه وفرجته عليها
وقلتله اني سحبت من الصراف المشترك وتصدقت بكل الي في المجلس للمحتاجين
هو من هول الماجاه انخرص وما عرف يرد وخرج وترك البيت.
طبعا انا ماراح اقوله انها في المخزن الا ليلة العيد عشين يبطل يسوي فيها حريص على فعل الخير في امور وامور لا .
ملاااااااااااااااااااحظه انا يابنات مو ضد الصدقه وفعل الخير لكن مو يصرف بالهبل على مظاهر فاضيه ولمن عندج الاساسيات يتذكر فعل الخير....ودمتم بخير وعافيه
ورمضان كريم